தேடல்

"இப்படிலாம் கிறுக்கிட்டு இருக்கறதுக்கு என்ன அர்த்தம்?

நிச்சயம் யாரோட தாக்கமோ இருக்கு உங்கிட்ட‌..
யாரு அது ? சொல்லு.."

"ஹே... அதெல்லாம் ஒண்ணும் இல்ல..

சும்மா ஏதோ தோணினத வெட்டியா இருக்கறப்போ
டைப் அடிச்சு வச்சிட்டு இருக்கேன்

அவ்ளோ தான்.. வேற எதுவும் இல்ல"

என் கிறுக்கல்களின் ஒரே விளக்கம்
இன்று வரை

ரொம்பவும் தான்
நினைப்பு
எனக்கு

தாக்கம் எதுவும் இன்றியே
என்னால்
எழுத கூடும்
என்று எண்ணியது

கூடவே
தாக்கம் இன்றி
எழுதுதலே எளிமை
என்று எண்ணியது

அறியாமை
என் அறியாமை!

லேசாக பறக்கும்
பட்டாம் பூச்சிகள்
கண்டேன்
எப்பொழுதும்
ஒரு
பூத கண்ணாடியில்!

கருப்பு வெள்ளை
வண்ணங்கள்
கொள்ளை
கொள்கிறேன்
இப்பொழுதும்
ஒரு
கலீடியோஸ்கோப்பில்!

ம்ம்ம்...
பேய் மழை கூட‌
பெரிதாக தெரியவில்லை
பெண்மையின் சாரல்
இன்றும் எனக்கு புலப்படவில்லை

இருந்தும்
அத்தனை சுகம்
மூன்று வருடங்கள் முன்
கனவில்
நான் துவங்கிய இந்த‌
தேடல்

தேடுவது
எதுவென்று
இன்று வரை
தெரியாமலே!

மூன்று நிமிடங்களில்
முடிந்தது
மூச்சு முட்ட கொடுத்த‌
முப்பது அவசர முத்தங்கள்

மீண்டும்
விரைந்தேன்
புகையிலையின்
புனிதம் பேசியபடி

நான்கு சுவரின்
இடையே
இருவர் மட்டும்!

ஒரு மூலையில்
சாய்ந்தபடி அவள்

இரு அடி தூரத்தில்
அந்நிய‌னாய் நான்

அ‌‌னைத்தும்
அவ‌ள் பார்வையில்
என் க‌ண்க‌ள் த‌விர‌

முடிவில்லா
மெள‌ன‌ம்

முடிவில்லா
பயணம்

எதை கொண்டு
க‌லைக்க‌லாம்?

கூடுத‌ல் வ‌ண்ண‌ம்
க‌ண் இமையில்

கூடுத‌‌ல் அழ‌கு - அவ‌ள்
க‌ன்னி ம‌யில்

இயற்கையா? செய‌ற்கையா?
பெண் கூந்த‌ல் ப‌ற்றிய‌
அதே 'மண' குழ‌ப்ப‌ம்!

துப்பட்டாவின்
நூல் நுனியில்
சிறைப்பிடித்திருந்தாள்
அவள் கை விரலினை

தெரிந்திருந்தால்
நிச்ச‌ய‌ம்
செய்திருக்கும்
அதே த‌வ‌றினை
என் விர‌ல்க‌ளும்

மெல்ல‌
சாய்ந்தேன்
அதே சுவரில்

இரண்டடி இடைவெளி
இன்னும் குறையாமல்

இன்னமும் காத்திருந்தேன்
அவ‌ள் முத‌ல் பார்வைக்காக‌!

மிதந்து செல்வது போல்
தொடர்ந்த சிலிர்ப்பு
தடாலென தரையிற‌ங்கியது

இரண்டாய்
பிளந்தது
எதிர் சுவர் !

அதிக கவலை
இனி இல்லை
தாம‌த‌மாய்
நான்
வீடு திரும்பினாலும்

ஆம்!

கோபமாய்
முறைத்தபடியே தான்
நிற்கிறாள்
இப்போதும்
என் தேவதை

ஒரு மாற்றம்

தாவி வந்து
அணைத்துக் கொள்ள‌

பிறந்திருக்கிறாள்
என் வாழ்வில்

ஒரு
புது தேவதை!

"Go ahead. Pick one. Lets see what you got"

You are the guiding star of his existence.

"Thats a good one. How about trying one more?"

Too much of a good thing is WONDERFUL.

"Not bad. Why dont you go ahead and see how far it goes?"

Romance comes into your life this year in a very unusual sort of way.

"Thats more like it. We seem to be hitting on something here. One last one?"

Ahem!

"Ok. After mine. Go ahead read this. Lets see what is in store for me."

An innovative way to express your love is the way to go.

"Perfect. Now your last one. I got this one for you."

Marry me.

"And please say Y E S"

துள்ளல்
விளையாட்டு
காதல்
ஏக்கம்
வெறுமை
அமைதி
இசை
உற்சாகம்

அனைத்தும்
ஒரு நிமிடமே

மாறியபடியே
அலைரிசைகள்!

நன்றி உனக்கு

விடியலை
காண‌
விழித்திருந்தேன்
சிவந்திருந்த‌
விழிகளுடன்!

எதில்
அதிக வலி?

அவளுக்கு
என் வலி
தெரியாமல்
போவதா?

என் வலி
தெரிந்தும்
அவள்
தெரியாதது போல்
போவதா?

இரு இருக்கைகள்
இடைவெளியே
இருவரிடையும்

அவளை
பார்த்தபடியே
நான்

என்னை
கண்டுகொள்ளாமலே
அவள்

மெல்ல அவள்
அருகே
இட‌ம் பெய‌ர்ந்தேன்

இம்மி அள‌வே கூட‌
சட்டை செய்யவில்லை
இப்பொழுதும்

அதிக சிரமத்துடன்
முடிவு செய்தேன்

என் சிறுவிரல்
கொண்டு
அவள் கைகள்
மெல்ல
வருடினேன்

சட்டென‌
சிறைபிடித்தாள்
என் விரலினை

பின்
அதட்டினாள்
என்னை
...அழகு மழலையில்!

தவற விட்ட‌
வாய்ப்புகள்

பின்
நினைவில் நிறுத்தி

திருத்தி எழுதிய‌
வார்த்தைகள்

....ம்
கற்பனையிலே முடிகிறது
வாழ்க்கை!

தீர்மானமாய்
இருந்தேன்.

எத்தனை முறை தான்
தத்தளிப்பது?

வேண்டாம்
இந்த விவகாரமே

தெள்ள தெளிவாய்
இருந்த‌து
மனம்
அக்க‌ண‌ம்

குளத்தில் அன்று
சலசலப்பேதும் இல்லை

கல் எறிய‌ப்பட
அதிக நாட்கள்
பிடிக்க‌வில்லை

ஆராய்ந்த காரணங்களில்
ஆர்வம் இல்லை

சலசலப்பில்லா மனதில்
சலனமே!

காரியங்கள் மெல்ல கலைய‌
கற்பனைகள் கருவுற்றன‌

மீண்டும்
நீந்தி தான்
பார்ப்போமே

ஒரு
குறுகுறுப்பு

நடந்து
சென்றேன்
என்
இலக்கினை நோக்கி

...மெல்ல‌
நனைத்தேன்
பாதங்களை!

கனவோ?
அல்ல..காலை பனி

மேலாடை?
ஓ..மேக மூட்டம்

தலை துவட்டியும்
ஈர பதம்
காற்றினில்

இல்லை
இன்று
எவையும்!

வேர்வையில் முடியும்
காலை துயில்

கரிசனம் இல்லாது
கொட்டியபடி
க‌த்திரி க‌திர்க‌ள்

இரவினில் மறைந்தும்
அழைத்து செல்ல மறந்த‌
உஷ்ணம்

ச்சே...

காத்திருக்கிறேன்
மீண்டும்
ஒரு
மழை காலத்திற்காக!

திடீர் மழை
பெய்யும்
ஒவ்வொரு முறையும்
சொல்வாய்

ஹே!
எதோ
நல்லது நடக்கப் போகிறது

சிரித்து விட்டேன்
முதல் முறை!

ஹே!
லேசா தூறுதில்ல‌

இப்போதே
கொடுத்த
ஷாப்ப‌ர்ஸ் ஸ்டாப் கூப்ப‌னில்
அதிர்ஷ்டம்
என‌க்கு தான்

ஹே!
அங்க உன் ஆஃபிஸ் பக்கம்
மழை எதாவது பெய்யுதா?

இல்ல‌...
ஒரு மொக்க ஸ்கிரிப்ட்
எக்ஸிக்யூட் பண்றேன்
வேலை செய்யுமா?

ஹே!
இப்ப‌டி
மேக‌மூட்ட‌மா இருக்கே
கொஞ்ச‌ம் தூறுனா தான் என்ன!

முக‌வ‌ரி தேடி
ப‌டி ஏறி இற‌ங்கிய‌ ப‌டி நாம்

குடையேதும் இல்லை
இருவரிடமுமே!

பாரு லேசா
தூறுது!

ஸோ...
இப்போ நீ
லேட்டாக வீட்டுக்கு போனாலும்
அம்மா திட்டவே மாட்டாங்க!

நானும் என் ப‌ங்கிற்கு
என்றாவ‌து!

உனக்கிருந்த
ஒரே
தவிப்பு


சென்னையில்
ஒரு
மழைக்காலம்!


ஆம்!
உன்
அதிர்ஷ்டம்
மழை அல்ல‌
திடீர் மழை ம‌ட்டுமே!


இதென்ன
சிறுபிள்ளைத‌ன‌ம்!

விளையாட்டிற்கு தானே
சொல்கிறாய்!

எப்போதும்
இதே பேச்சு தானா!

கேட்கவும் இல்லை
எதையும்
சொல்லவும் இல்லை

ஹே!
நாம் பேசிய‌
முதல் முறை
ஞாபகம் இருக்கா?

ம்...
என்றேன்
இருபதாவது முறையாக‌

அதை கொஞ்சம் சொல்லேன்


இக்கதையை கேட்பதில்
அப்படி என்ன உனக்கு ஆர்வம்?

தெரியவில்லை
எனக்கு!

பல முறை
யூகிக்க முயற்சித்திருக்கிறேன்

ஒரு வேளை
அன்று
மழை ஏதும் பெய்திருந்ததா

ஆர்வமாக யோசித்ததில்
அன்று அடித்த நல்ல வெயில் தான்
சட்டென நினைவில்!

ச்சே!

A1+ இரத்தம் வேண்டும்
தானம் செய்ய உங்களுக்கு விருப்பமா?
MMM செல்ல‌‌முடியுமா உட‌னே?

ஆஃபிஸ் இன்ட்ரானெட் பார்த்து
அவசரமாக அழைத்திருந்தாய்

நம்
முதல்
உரையாடல்

நன்றி சொல்ல‌
நீ தேர்ந்தெடுத்த‌
அடுத்த நாள்
தேனீர் இடைவெளி

அது
நம்
முதல்
சந்திப்பு

வேறு ஏதேனும்
நான் ம‌ற‌ந்தேனா!

ச்சே...
இத்த‌னை முறை
உன்னிட‌ம் போய்
கேட்டேனே!

என் ச‌லிப்பையும்
சேர்த்து
நீயே ச‌லித்துக் கொண்டாய்!

திடீர் மழை போல்
வேறேதேனும்
குருட்டு நம்பிக்கை உண்டோ!

இதையும்
கேட்கவில்லை

என்ன நாள் அது?

ஜுன் பதிமூன்று

கிழமை?

புதன்

நேரம்?

மதியம் இரண்டு இருக்கும்

நீ எங்கு இருந்தாய்?

ம‌திய‌ உண‌விற்காக‌
ஹோட்ட‌லில்

நான்?

தோழியின் திருமணத்திற்காக‌
ஊரில்

எந்த ஊர்?

நாமக்கல்

அங்கு என்ன சிறப்பு தெரியுமா?

மேட்டூர் அணை

உன்னை போய் கேட்டேனே!

நீர்வீழ்ச்சி?

ஆ...அது ஒக்க‌னேக்க‌ல்

அப்படியா! சரி நீயே சொல்லேன்

சரி போகிறது போ!

அந்த ஊரின் சிறப்பு

அங்கு
அடிக்கடி
பெய்யும்

.
.
.
.
.
திடீர்
மழையே!

அன்றே
ஆரம்பித்தது
இந்த நம்பிக்கை!

பின்
நீ பேசியது ஏதும்
சரியாக காதினில்
விழவில்லை!

நீயும்
விலகியே சென்றாய்
மரத்தடிக்கு


மேட்டூர் அணை
திறந்த உற்சாகமோ

ஒக்கனேக்கல்
நீர் வேழ்ச்சியின்
உக்கிரமமோ!

சில நிமிடங்கள்
பின்

சிலிர்த்தபடி
விரைந்தேன் நானும் மரத்தடிக்கு
இப்போதே துவங்கிய‌
திடீர் மழையை
உணர்ந்தவனாய்!

அரசியல்
வ‌ழிப்ப‌றி
ப‌ஸ் எரிப்பு

ச‌ல‌ன‌மின்றி
வாசித்தேன்

சட்டென
சோர்ந்தேன்
கடைசி பக்கத்தில்

இன்று
உன் ராசிக்கு
சோர்வு!

ஏழு முறை
அலறினேன்

என் தலை தட்டக்கூட‌
எந்த அலட்டலும்
இல்லை
உன்னிட‌ம்

உனக்கெல்லாம்
எதற்கு நான்

ச்சே..
சலிப்பே மிச்சம்

எனக்குள்
ஒரு
திடீர்
புது வரவு

அட!

என்
செல்ல சிணுங்கலுக்கு
சட்டென விழித்துக்கொண்டாயே

புது கனிவுடன்
ஒரு பார்வை வேறு

ம்ம்..

நாளை முதல்
அவளே
பொறுப்பேற்கட்டும்
நீ விழிப்பதற்கு!

கண்க‌ள்
மெல்ல சுருக்கி

போர்வையின் பிடியில்
கொஞ்சம் மீண்டு

லயித்திருந்த கனவினில்
லேசாக விலகி

கொண்டிருந்த‌ காதலில்
கொஞ்சம் சிலிர்த்து

தலையணை பக்கம்
கைகள் துழவி

காகிதம் பேனா
தேடி எடுத்து

அப்போதைய கனவினை
கண்களில் நிறுத்தி

சாய்ந்தபடியே அதனை
மெல்ல கிறுக்கி

ஏதோ சாதித்துவிட்ட‌
மகிழ்வில்

மீண்டும்
கண் மூடினேன்

உன் நினைவினில்
உறக்கம் தேடினேன்!

தெரிய‌வில்லை
எதுவென்று

நடு கோடாக‌
இல்லாமல்
வலப்பக்கம் துவங்க‌
திருத்தப்பட்ட கூந்தல்

நேர் வரிசையில்
நில்லாமல்
புன்னகையில் பூக்கும்
தெற்றுப்பல்

தெரிய‌வில்லை

இவ்விரண்டில்
எதில் அதிகம்
மயங்கினேன்
என்று!

மூச்சு முட்டியது.

த‌ன்னிச்சையாய்
மேல் எழும்பி

த‌ற்காலிக‌மாய்
மூச்சிழுத்து

கொஞ்சமே
ஆசுவாசுபடுத்தி

மீண்டும்
மூழ்கினேன்

..உன் நினைவுகளில்!

ஜ‌ன்ன‌லோர‌ இருக்கை
ரயிலின் தடதடப்பு

ஒளிந்திருந்த‌ சூரிய‌ன்
ஒட்டியிருந்த‌ வெளிச்சம்

ப‌ரிச்ச‌ய‌மில்லா ப‌ச்சை
ப‌டித்திருக்க‌ பார்த்திப‌ன் க‌ன‌வு

ஆழ்ந்து ர‌சிக்க‌
ஆன‌ந்த‌மாய் க‌ளித்திருக்க‌

ஆயிர‌ம் ஆயிர‌ம்
ஆவ‌ண‌ங்க‌ள் இருந்தும்

ஏனோ மூடியப‌டியே
கண்கள்!

நிமிடத்துக்கு நிமிடம்
நிறம் மாறினேன்

இருந்தும் ஏசவில்லை
எவரும்

திசைகள் புரிந்தனவே!

எப்படி இருக்கும்
இந்த முதல் சந்திப்பு?

ஆர்வமா
இல்லை பதட்டமா?

தெரியவில்லை எனக்கு

முதல் முறை
அவள் வீடு தேடி நான்

மீண்டும்
மெல்லிய தூரல்

சாலையோர மரங்கள்
மர நிழலில் நிறுத்தினேன் காரை

இரு அடிகளுக்கு பின்
ஏனோ திரும்பினேன்

மஞ்சள் நிற மலரொன்று
மஞ்சத்தில் சாய்வது போல்
வந்திறங்கியது
கார் முன் கண்ணாடியில்

மனம் குதூகலித்தது

அவசர ஒப்பனைகள்
பின்
அழ வைத்தேன்
அழைப்பு மணியை

ஆட்கள் எவரும்
அதிகம் இல்லா அவ்வேளையிலும்
ஆயிரம் கண்கள் என்னை பார்த்தனவோ!

மெல்ல‌ திறந்தாள் கதவினை
வெள்ளை தேவதை

தெள்ள தெளிவாக
தொலைந்து போனேன்
அப்போதே

"ஹே ஹாய்! வெல்கம்!
பைனலி எங்க வீட்டுக்கு வந்துட்டியா!
வா வா! கம் இன்"

அவ‌ள் இன்னிசையில் சிலாகித்தபடி
'இதோ' என்றேன்.

முப்பது நிமிடம்

பின்
ஒரு ஒன்றரை மணி நேரம்

பின்
ஒரு இருபது நிமிடம்

விடை பெறுவதாக நான் அறிவித்த நேரங்கள்.

இறுதியாக‌
இரண்டு மணி நேரம்
இருபது நிமிடங்கள் பின்

மீண்டும்
அவள் விட்டு வாசலில் நான்

லேசான‌ இருட்டு
சாலையில் மட்டுமே

ஆட்கள் எவரும்
அதிகம் இல்லா இவ்வேளையிலும்
ஆயிரம் கண்கள் என்னை பார்க்காதோ!

ஏங்கியது ம‌ன‌ம்
இம்முறை.

ஈரம் இன்னும் குறைய‌வில்லை
பெய்த மழையில்

சாலையிலும்
சோலையிலும்

எனக்குள்ளே சிரித்தபடி
நடந்தேன் காரை நோக்கி

அதில்
அழ‌கிய‌ பூ கோல‌ம்
முன் கண்ணாடி முழுவதும்
இப்போது!

"I will come into your life and I'll sweep you off your feet"
- வாரணம் ஆயிரம்

அழிக்கும் போதே
புரிந்தது

வரைவதை காட்டிலும் கடினம்
வரைந்த கோலத்தைக் கலைப்பதே!

இரவுகள் எல்லாம்
இனி இனிதே

ஆம்

உறக்கம் எல்லாம்
இனி எனதே!

அடுத்தடுத்த வரிசையில்
ஷெல்லி
தாகூர்
டால்ஸ்டாய்

ஆழ்ந்த உறக்கம் க‌லைக்க‌
ஆள் இன்றி

அர‌சாங்க‌ நூல‌க‌த்தில்!

I Day Thoughts

Independence Day Celebrations
Sweets distribution
Bored Faces
... in the Jail !

-o-

Yes! All Indians are
my brothers and sisters.
So where are
my long lost siblings?
In Pakistan?

-o-

The sound of
guns firing and
people screaming
1919!

Culmination into
one loud silence
1947 - Independence!

Shortest Path
was
also
the Best Path

Until,
everyone thought so
... in Traffic!

200!

Writer's block...

Sometimes!

But my love for you...

Always!

என் தேவதை
பிறந்த நாள்
இன்று

ஆர்ச்சீஸ்
வாசகங்கள் முன் நான்

கையில் இருந்தது என்னவோ
கொஞ்சம் சில்லரையே

அழகழகாக அத்தனை
அட்டைகள்

அத்தனையும் வாங்கி கொள்ளவே
ஆசை

இருபது நிமிட தேடலுக்கு பின்
தெளிந்தது
இதுவே என்று

கடற்கரை மணலில்
கைகோர்த்தபடி
நடந்த ஒரு சிறுவனும் சிறுமியும்

விலை 40 ரூபாய்

வெளியே விரைந்தேன்

மிதிவண்டியை மிதித்து
மறுநிமிடமே
நின்றேன் அவ‌ள் முன்

வா
என்றேன்

அவளையும் சுமந்து
மிதிவண்டியை மீண்டும்
மிதித்தேன்

பாரம் ஏதும் கூடியதாக தெரியவில்லை!

ஆர்ச்சீஸ் வாசல்

பின்
ஆர்ச்சீஸ் வாசகங்கள் முன் நாங்கள்

ஆச்ச‌ர்ய‌ம் நிறைந்த அவ‌ள் க‌ண்க‌ள்
ஆராய்ச்சியில் ஈடுப‌டும் முன்
நீட்டினேன் அக்க‌ண‌மே

முன் தேர்வு செய்திருந்த
வாழ்த்து அட்டையினை

'உன‌க்காக‌ நான் வாங்க‌ நினைத்த‌
வாழ்த்து இதுவே
ஆனால்...

என்னால் வாங்க‌ இய‌ன்ற‌து
இதுவே'

உள் மறைத்து வைத்திருந்த‌
ஒற்றை ரோஜாவினை நீட்டி

காதினில்
மெல்ல கிசுகிசுத்தேன்
'பிறந்த நாள் வாழ்த்துக்கள்!'

ஆஹா தருணங்கள்
ஓரிரண்டிற்கு பின்

விரைந்தோம் வெளியே
கடற்கரை மணலில்
கைகோர்த்தபடி
கோலங்கள் வரையவே!

கோவிலுக்கு போகிறாயா?
எனக்காகவும் வேண்டிக் கொள்வாயா?

நிச்சயம்!

உனக்காக
வேண்டிக் கொள்கிறேன்

அப்படியே
உன்னையே வேண்டும் என்று
எனக்காகவும்
வேண்டிக்கொள்ளவா?

ஒவ்வொரு கோணம்
ஒவ்வொரு அழகு

இயற்கை வரைந்த‌
அதிசய ஓவியம்

மரக்கிளை பின்
ஒளிந்த வானம்

மாசற்ற மாற்றம்
கொண‌ர்ந்த மழை மேகம்

எட்டிப்பார்க்கும்
குட்டி பெண்ணின் முகம்

ஒட்டிக்கொள்ளும்
அவள் உற்சாகம்

அத்தனையும் கலைந்தது
உடனே

மழை செய்த‌
புது குளத்தில்
மீண்டும்
சாரல் விழுந்ததும்!

பாதம் பட்டு
கலங்கின‌
சிறு குளம்

சாலை வழியே நீ நடக்கையில்

மேகம் தொட்டு
குலுங்கின‌
இள மனம்

உன் பார்வை என்னை கடக்கையில்!

பிடித்திருந்தது

அதிரடியும்
ஆர்ப்பாட்டமும்
அளவில்லாமல்!

கூட்டம் கூட்டமாக‌
மக்கள் அலை மோதிய‌
குற்றால காட்டருவி

ஆனாலும்
அதிகம் பிடித்திருந்தது

அமைதியும்
ஆனந்தமும்
அள்ள அள்ள

செல்லும் வழியில்
எங்கோ மறைந்திருந்த
மனிதர் நடமாற்றம் ஏதும் இல்லா
பெயர் தெரியாத அந்த சிற்றருவியே!

கீழப்பாவூர் கிராமம்

பேருந்து நிறுத்த‌
நிழற்குடையில்
காத்திருந்தனர்
அவனும்
அவ‌ளும்

நேர‌ம் போக‌ போக‌
காத்திருந்து
வ‌ராத‌ பேருந்து ப‌ற்றி
எதேச்சையாக ஆரம்பித்த
உறையாடல்

சட்டென
ஒரு பரிச்சயம்
இருவரிடையேயும்

அவளுக்கு
அவனை பிடித்திருந்தது

அவனுக்கு
அவளை ரொம்பவே பிடித்திருந்தது

மெல்ல மெல்ல‌
பேசிக்கொண்டிருந்ததில்
பேருந்து வருவது எப்பொழுது என்பதில்
அதிக ஆர்வம்
தெரியவில்லை இப்பொழுது

இருவரும்
வெவ்வேறு ஊர் செல்ல‌வே
உத்தேசம்

நீ என் ஊருக்கு வந்திருக்கிறாயா?

என்னுடன் என் ஊருக்கு வர விருப்பமா?
ஏதேதோ என‌
முதன் முறை சந்தித்துக்கொண்டவர்கள் போல் இல்லாமல்
இயல்பான பேச்சு

ரயில் சினேகம்
மாதிரி இதை என்னவென்று சொல்வது

பேருந்து சினேகமா?
நாம் இன்னும் பேருந்தில் போகவேயில்லையே

அதுவும் இருவரும்
வெவ்வேறு பேருந்திற்க‌ல்ல‌வா
காத்திருக்கிறோம்

நிழற்குடை சினேகம் என்று சொல்லலாமா?

மொக்கையாக ஏதோ பேசி
அவளை சிரிக்க வைத்துக் கொண்டிருந்தான்

இரண்டு மணி நேரத்தில்
முதல் 60 நிமிட மெளனத்திற்கும்
அடுத்த 60 க்கும் தான்
எத்தனை மாற்றம்

காத்திருப்பது
அவ்வளவு சிரமாக இல்லை இப்பொழுது

நீங்க வாங்க போங்க‌
ஆனது சீக்கிரமே
நீ வா போ

கெமிஸ்ட்ரி பற்றி
புதிய அர்த்தம்
கண்டுகொண்டனர் இருவரும்

தூரத்தில்
புழுதியை கிளப்பியபடி
வந்து கொண்டிருந்தது ஒரு பேருந்து

சட்டென மலர்ந்த முகம்
மாறியது சீக்கிரமே

கேட்டிராத ஒரு
கிராமத்தின் பெயர்
சுமந்திருந்தது பேருந்து

எத்திசையில் செல்லும்?

சேர்ந்தே செல்லலாமா
அடுத்த ஊர் வரை?

அதன் பின் என்ன?

கேள்விகள் பல

பதில் கிடைத்தது ஒன்றிற்கே

பேருந்து அவள் ஊர் வரையே செல்லும்
அவன் ஊர் செல்லவில்லை

-o-

பேருந்தில் மீண்டும்
அதே வேகம்
எடை ஏதும் கூடாம‌லே

நிழற்குடையில் மீண்டும்
அதே உற்சாகம்
தடை ஏதும் இல்லாமலே

-o-