My Hideout

2012-01-01T01:57:00.000+05:30

‘Tis, but a strange feeling
Life is at times, without meaning.

I spend the last few hours of the new year eve thinking,
The changes, pushed on to me, I wasn’t to be blinking.

Nine years, my abode, not anymore,
Fine years, they were, not one bit dour.

Leave behind my friends, I did,
Wrapping all my memories as a kid.

Dawned the day, the most joy, have I ever felt,
In my arms, there she was, my heart did melt.

The most beautiful girl, have I ever seen,
Daddy she would call, the luckiest man, me.

Smooth and fine, some changes, planned to the dot,
Crashing through the sky, some other, breaking the heart.

Rainbow highs and thunderstorm lows,
Interoven together, thorns and a rose.

The woman who loved me the most, my mother,
Love and care, will there ever be another?

Blood and alive, there she was, one moment,
Distant and a dream now, o’ I still lament.

Big void in my life, did she leave behind,
Those little shoes, can they fill it, in kind?

2011-04-01T00:40:00.005+05:30

பார்த்து சிரிக்க‌வில்லை
என்னை பார்க்கவே இல்லை

கண்டு கொள்ளவில்லை
கண் எதிர்கொள்ளவே இல்லை

சிவ‌க்க‌ வில்லை க‌ன்ன‌ம்
சீண்டினாலும் சட்டை செய்யவில்லை தின‌ம்

எத்த‌னை நாட்க‌ள் தான் இப்ப‌டி
என் துணையுட‌ன் மட்டும் ஏன் அப்ப‌டி

ம்ம்..

ஏக்கம் தணிய‌ட்டும்
இன்னும் சில மாதங்களில்

மனமும் கனிய‌ட்டும்
தினமும் நீ தரும் முத்தங்களில்

2011-02-15T00:24:00.002+05:30

't was the last class for the day
Bored I was, looking out at the bay.

'The topic is love', the teacher had said
Smiles and giggles, the girls had turned red.

Romeo and Juliet was all I knew,
Looking around the class, I started anew.

Daring to stare at the girls, I started thinking
Was this a new beginning, I kept inking.

Shy glances and whispers, the girls had started
Wry faces and gestures, the boys fidgeted.

There she was, scribbling away with intent
And here I was, watching her with a lot of content.

'The best poem wins a prize' - it was told.
I knew I could win it, if I was bold.

A girl with a pony tail,
did I draw, with clips and curls

Tales of our love,
did I write, with twists and turns.

'Time Up' - The sheets were submitted.
'Valentine's Day, it is today' - The day was credited.

The poems were read aloud, one by one.
They all were good, clean and fun.

She had written lovingly, about mom and dad
I just realised I had not; I felt slightly bad.

It was mine finally, the teacher started with a smile
I wanted to get away from all of them and run for a mile.

'So who is this pretty girl' - she asked me
'I wouldn't know', said I, getting ready to flee.

'I will wait' - She pinned the sheet to the board.
I wanted to tell her, I wasn't a coward.

The bell rang - The class was finally over
As the class dispersed, I was sure I had some cover.

There she was, near the board, looking at the sheet,
I wanted to go out, though stopped to move, my feet.

With my heart pounding and pulse racing,
Loud silence was what it was, that I was facing.

And finally, she turned and smiled at me.
'Happy Valentine's Day. So is it me?'

2010-11-16T01:56:00.002+05:30

நானும்
பேசிய பாஷையே

இருந்தும்
மறந்துவிட்டேன்
இன்று

கற்றுக் கொடுப்பாயா?
மீண்டும்
கவலை இன்றி
மழலை பயில்வோமா?

2010-10-15T01:53:00.000+05:30

ஒருவரை சுற்றியே என் உலகம்
மீண்டும்!

2010-10-15T01:43:00.002+05:30

அகம் முழுவதும்‌
ஆர்ப்பாட்டம்

அழுகுரலும்
இனி ஆனந்தம்!

2010-10-14T00:57:00.004+05:30

அப்பா தோள்களில்
நான் சென்ற
வீதி உலா

பாலபருவத்தில் நான்
பல நாளும்
மகிழ்ந்தது

விரைவில்
வீதி உலா
மீண்டும் துவக்கம்

இப்போது
காத்திருக்கின்றன
என் தோள்கள் :)

About a very special person

2010-05-10T01:16:00.001+05:30

't was the evening
of my first day of learning

My tears had dried long before - I
wasn't too worried about the next day's encore

Loud and clear I heard the bell
Wasting no moment, I ran like hell

There she stood under the tree
waiting to set my fears a-free

I hugged her and cried with joy
tears she shed too, oh boy

Safe and warm, two words about she
Its always this way, when me and her is together we!

-o-

நான் அறிந்து
அதிகம் பொய்கள்
பேசியவள்

எனக்காக‌
என் தந்தைக்காக‌
என் தங்கைக்காக‌

"பொய்மையும் வாய்மை இடத்து..."

சொல்லாமலே
முதல் அர்த்தம்
கற்பித்தவள்.

2010-05-06T00:27:00.002+05:30

ஆர்வமாய் வாங்கினேன்
என் பிடித்தவரின்
புது புத்தகம்

அவசரமாய்
ஓடின‌
அடுத்த சில நாட்கள்

விரைவில்
முடிந்ததே...

ஏக்கம்!

பின் ஒரு நாள்
சிக்கியது

பல நாள் முன்
வாங்கிய புத்தகம்

அலட்சியமாய் துவங்கி
பின்
ஆனந்தமாய் ரசித்து
மெல்ல படித்து முடித்தேன்

புதிய பிடித்தவர்
கண்டு கொண்டேன்

நிறைவு!

2010-04-29T12:31:00.001+05:30

உற்சாக மிகுதியில்
அப்பப்போ
எழுதிய‌
முற்று பெறா
வார்த்தைகள்
வாக்கியங்கள்
.
.
.
.
சில சமயம்
வாழ்க்கையும்

என் மறைவிடத்தில்!

தேடல்

2009-07-21T22:42:00.005+05:30

"இப்படிலாம் கிறுக்கிட்டு இருக்கறதுக்கு என்ன அர்த்தம்?

நிச்சயம் யாரோட தாக்கமோ இருக்கு உங்கிட்ட‌..
யாரு அது ? சொல்லு.."

"ஹே... அதெல்லாம் ஒண்ணும் இல்ல..

சும்மா ஏதோ தோணினத வெட்டியா இருக்கறப்போ
டைப் அடிச்சு வச்சிட்டு இருக்கேன்

அவ்ளோ தான்.. வேற எதுவும் இல்ல"

என் கிறுக்கல்களின் ஒரே விளக்கம்
இன்று வரை

ரொம்பவும் தான்
நினைப்பு
எனக்கு

தாக்கம் எதுவும் இன்றியே
என்னால்
எழுத கூடும்
என்று எண்ணியது

கூடவே
தாக்கம் இன்றி
எழுதுதலே எளிமை
என்று எண்ணியது

அறியாமை
என் அறியாமை!

லேசாக பறக்கும்
பட்டாம் பூச்சிகள்
கண்டேன்
எப்பொழுதும்
ஒரு
பூத கண்ணாடியில்!

கருப்பு வெள்ளை
வண்ணங்கள்
கொள்ளை
கொள்கிறேன்
இப்பொழுதும்
ஒரு
கலீடியோஸ்கோப்பில்!

ம்ம்ம்...
பேய் மழை கூட‌
பெரிதாக தெரியவில்லை
பெண்மையின் சாரல்
இன்றும் எனக்கு புலப்படவில்லை

இருந்தும்
அத்தனை சுகம்
மூன்று வருடங்கள் முன்
கனவில்
நான் துவங்கிய இந்த‌
தேடல்

தேடுவது
எதுவென்று
இன்று வரை
தெரியாமலே!

2009-06-19T22:17:00.003+05:30

மூன்று நிமிடங்களில்
முடிந்தது
மூச்சு முட்ட கொடுத்த‌
முப்பது அவசர முத்தங்கள்

மீண்டும்
விரைந்தேன்
புகையிலையின்
புனிதம் பேசியபடி

2009-06-01T10:23:00.001+05:30

நான்கு சுவரின்
இடையே
இருவர் மட்டும்!

ஒரு மூலையில்
சாய்ந்தபடி அவள்

இரு அடி தூரத்தில்
அந்நிய‌னாய் நான்

அ‌‌னைத்தும்
அவ‌ள் பார்வையில்
என் க‌ண்க‌ள் த‌விர‌

முடிவில்லா
மெள‌ன‌ம்

முடிவில்லா
பயணம்

எதை கொண்டு
க‌லைக்க‌லாம்?

கூடுத‌ல் வ‌ண்ண‌ம்
க‌ண் இமையில்

கூடுத‌‌ல் அழ‌கு - அவ‌ள்
க‌ன்னி ம‌யில்

இயற்கையா? செய‌ற்கையா?
பெண் கூந்த‌ல் ப‌ற்றிய‌
அதே 'மண' குழ‌ப்ப‌ம்!

துப்பட்டாவின்
நூல் நுனியில்
சிறைப்பிடித்திருந்தாள்
அவள் கை விரலினை

தெரிந்திருந்தால்
நிச்ச‌ய‌ம்
செய்திருக்கும்
அதே த‌வ‌றினை
என் விர‌ல்க‌ளும்

மெல்ல‌
சாய்ந்தேன்
அதே சுவரில்

இரண்டடி இடைவெளி
இன்னும் குறையாமல்

இன்னமும் காத்திருந்தேன்
அவ‌ள் முத‌ல் பார்வைக்காக‌!

மிதந்து செல்வது போல்
தொடர்ந்த சிலிர்ப்பு
தடாலென தரையிற‌ங்கியது

இரண்டாய்
பிளந்தது
எதிர் சுவர் !

2009-05-18T00:18:00.003+05:30

அதிக கவலை
இனி இல்லை
தாம‌த‌மாய்
நான்
வீடு திரும்பினாலும்

ஆம்!

கோபமாய்
முறைத்தபடியே தான்
நிற்கிறாள்
இப்போதும்
என் தேவதை

ஒரு மாற்றம்

தாவி வந்து
அணைத்துக் கொள்ள‌

பிறந்திருக்கிறாள்
என் வாழ்வில்

ஒரு
புது தேவதை!

2009-05-12T13:31:00.005+05:30

"Go ahead. Pick one. Lets see what you got"

You are the guiding star of his existence.

"Thats a good one. How about trying one more?"

Too much of a good thing is WONDERFUL.

"Not bad. Why dont you go ahead and see how far it goes?"

Romance comes into your life this year in a very unusual sort of way.

"Thats more like it. We seem to be hitting on something here. One last one?"

Ahem!

"Ok. After mine. Go ahead read this. Lets see what is in store for me."

An innovative way to express your love is the way to go.

"Perfect. Now your last one. I got this one for you."

Marry me.

"And please say Y E S"

2009-04-30T12:32:00.004+05:30

துள்ளல்
விளையாட்டு
காதல்
ஏக்கம்
வெறுமை
அமைதி
இசை
உற்சாகம்

அனைத்தும்
ஒரு நிமிடமே

மாறியபடியே
அலைரிசைகள்!

2009-04-07T08:10:00.000+05:30

நன்றி உனக்கு

விடியலை
காண‌
விழித்திருந்தேன்
சிவந்திருந்த‌
விழிகளுடன்!

2009-04-06T18:30:00.001+05:30

எதில்
அதிக வலி?

அவளுக்கு
என் வலி
தெரியாமல்
போவதா?

என் வலி
தெரிந்தும்
அவள்
தெரியாதது போல்
போவதா?

2009-04-01T15:29:00.002+05:30

இரு இருக்கைகள்
இடைவெளியே
இருவரிடையும்

அவளை
பார்த்தபடியே
நான்

என்னை
கண்டுகொள்ளாமலே
அவள்

மெல்ல அவள்
அருகே
இட‌ம் பெய‌ர்ந்தேன்

இம்மி அள‌வே கூட‌
சட்டை செய்யவில்லை
இப்பொழுதும்

அதிக சிரமத்துடன்
முடிவு செய்தேன்

என் சிறுவிரல்
கொண்டு
அவள் கைகள்
மெல்ல
வருடினேன்

சட்டென‌
சிறைபிடித்தாள்
என் விரலினை

பின்
அதட்டினாள்
என்னை
...அழகு மழலையில்!

2009-03-29T11:37:00.003+05:30

தவற விட்ட‌
வாய்ப்புகள்

பின்
நினைவில் நிறுத்தி

திருத்தி எழுதிய‌
வார்த்தைகள்

....ம்
கற்பனையிலே முடிகிறது
வாழ்க்கை!

2009-03-27T21:12:00.003+05:30

தீர்மானமாய்
இருந்தேன்.

எத்தனை முறை தான்
தத்தளிப்பது?

வேண்டாம்
இந்த விவகாரமே

தெள்ள தெளிவாய்
இருந்த‌து
மனம்
அக்க‌ண‌ம்

குளத்தில் அன்று
சலசலப்பேதும் இல்லை

கல் எறிய‌ப்பட
அதிக நாட்கள்
பிடிக்க‌வில்லை

ஆராய்ந்த காரணங்களில்
ஆர்வம் இல்லை

சலசலப்பில்லா மனதில்
சலனமே!

காரியங்கள் மெல்ல கலைய‌
கற்பனைகள் கருவுற்றன‌

மீண்டும்
நீந்தி தான்
பார்ப்போமே

ஒரு
குறுகுறுப்பு

நடந்து
சென்றேன்
என்
இலக்கினை நோக்கி

...மெல்ல‌
நனைத்தேன்
பாதங்களை!

2009-03-24T15:19:00.002+05:30

கனவோ?
அல்ல..காலை பனி

மேலாடை?
ஓ..மேக மூட்டம்

தலை துவட்டியும்
ஈர பதம்
காற்றினில்

இல்லை
இன்று
எவையும்!

வேர்வையில் முடியும்
காலை துயில்

கரிசனம் இல்லாது
கொட்டியபடி
க‌த்திரி க‌திர்க‌ள்

இரவினில் மறைந்தும்
அழைத்து செல்ல மறந்த‌
உஷ்ணம்

ச்சே...

காத்திருக்கிறேன்
மீண்டும்
ஒரு
மழை காலத்திற்காக!

2009-03-17T23:40:00.006+05:30

திடீர் மழை
பெய்யும்
ஒவ்வொரு முறையும்
சொல்வாய்

ஹே!
எதோ
நல்லது நடக்கப் போகிறது

சிரித்து விட்டேன்
முதல் முறை!

ஹே!
லேசா தூறுதில்ல‌

இப்போதே
கொடுத்த
ஷாப்ப‌ர்ஸ் ஸ்டாப் கூப்ப‌னில்
அதிர்ஷ்டம்
என‌க்கு தான்

ஹே!
அங்க உன் ஆஃபிஸ் பக்கம்
மழை எதாவது பெய்யுதா?

இல்ல‌...
ஒரு மொக்க ஸ்கிரிப்ட்
எக்ஸிக்யூட் பண்றேன்
வேலை செய்யுமா?

ஹே!
இப்ப‌டி
மேக‌மூட்ட‌மா இருக்கே
கொஞ்ச‌ம் தூறுனா தான் என்ன!

முக‌வ‌ரி தேடி
ப‌டி ஏறி இற‌ங்கிய‌ ப‌டி நாம்

குடையேதும் இல்லை
இருவரிடமுமே!

பாரு லேசா
தூறுது!

ஸோ...
இப்போ நீ
லேட்டாக வீட்டுக்கு போனாலும்
அம்மா திட்டவே மாட்டாங்க!

நானும் என் ப‌ங்கிற்கு
என்றாவ‌து!

உனக்கிருந்த
ஒரே
தவிப்பு

சென்னையில்
ஒரு
மழைக்காலம்!

ஆம்!
உன்
அதிர்ஷ்டம்
மழை அல்ல‌
திடீர் மழை ம‌ட்டுமே!

இதென்ன
சிறுபிள்ளைத‌ன‌ம்!

விளையாட்டிற்கு தானே
சொல்கிறாய்!

எப்போதும்
இதே பேச்சு தானா!

கேட்கவும் இல்லை
எதையும்
சொல்லவும் இல்லை

ஹே!
நாம் பேசிய‌
முதல் முறை
ஞாபகம் இருக்கா?

ம்...
என்றேன்
இருபதாவது முறையாக‌

அதை கொஞ்சம் சொல்லேன்

இக்கதையை கேட்பதில்
அப்படி என்ன உனக்கு ஆர்வம்?

தெரியவில்லை
எனக்கு!

பல முறை
யூகிக்க முயற்சித்திருக்கிறேன்

ஒரு வேளை
அன்று
மழை ஏதும் பெய்திருந்ததா

ஆர்வமாக யோசித்ததில்
அன்று அடித்த நல்ல வெயில் தான்
சட்டென நினைவில்!

ச்சே!

A1+ இரத்தம் வேண்டும்
தானம் செய்ய உங்களுக்கு விருப்பமா?
MMM செல்ல‌‌முடியுமா உட‌னே?

ஆஃபிஸ் இன்ட்ரானெட் பார்த்து
அவசரமாக அழைத்திருந்தாய்

நம்
முதல்
உரையாடல்

நன்றி சொல்ல‌
நீ தேர்ந்தெடுத்த‌
அடுத்த நாள்
தேனீர் இடைவெளி

அது
நம்
முதல்
சந்திப்பு

வேறு ஏதேனும்
நான் ம‌ற‌ந்தேனா!

ச்சே...
இத்த‌னை முறை
உன்னிட‌ம் போய்
கேட்டேனே!

என் ச‌லிப்பையும்
சேர்த்து
நீயே ச‌லித்துக் கொண்டாய்!

திடீர் மழை போல்
வேறேதேனும்
குருட்டு நம்பிக்கை உண்டோ!

இதையும்
கேட்கவில்லை

என்ன நாள் அது?

ஜுன் பதிமூன்று

கிழமை?

புதன்

நேரம்?

மதியம் இரண்டு இருக்கும்

நீ எங்கு இருந்தாய்?

ம‌திய‌ உண‌விற்காக‌
ஹோட்ட‌லில்

நான்?

தோழியின் திருமணத்திற்காக‌
ஊரில்

எந்த ஊர்?

நாமக்கல்

அங்கு என்ன சிறப்பு தெரியுமா?

மேட்டூர் அணை

உன்னை போய் கேட்டேனே!

நீர்வீழ்ச்சி?

ஆ...அது ஒக்க‌னேக்க‌ல்

அப்படியா! சரி நீயே சொல்லேன்

சரி போகிறது போ!

அந்த ஊரின் சிறப்பு

அங்கு
அடிக்கடி
பெய்யும்

.
.
.
.
.
திடீர்
மழையே!

அன்றே
ஆரம்பித்தது
இந்த நம்பிக்கை!

பின்
நீ பேசியது ஏதும்
சரியாக காதினில்
விழவில்லை!

நீயும்
விலகியே சென்றாய்
மரத்தடிக்கு

மேட்டூர் அணை
திறந்த உற்சாகமோ

ஒக்கனேக்கல்
நீர் வேழ்ச்சியின்
உக்கிரமமோ!

சில நிமிடங்கள்
பின்

சிலிர்த்தபடி
விரைந்தேன் நானும் மரத்தடிக்கு
இப்போதே துவங்கிய‌
திடீர் மழையை
உணர்ந்தவனாய்!

2009-03-12T18:54:00.000+05:30

அரசியல்
வ‌ழிப்ப‌றி
ப‌ஸ் எரிப்பு

ச‌ல‌ன‌மின்றி
வாசித்தேன்

சட்டென
சோர்ந்தேன்
கடைசி பக்கத்தில்

இன்று
உன் ராசிக்கு
சோர்வு!

2009-02-11T01:01:00.004+05:30

ஏழு முறை
அலறினேன்

என் தலை தட்டக்கூட‌
எந்த அலட்டலும்
இல்லை
உன்னிட‌ம்

உனக்கெல்லாம்
எதற்கு நான்

ச்சே..
சலிப்பே மிச்சம்

எனக்குள்
ஒரு
திடீர்
புது வரவு

அட!

என்
செல்ல சிணுங்கலுக்கு
சட்டென விழித்துக்கொண்டாயே

புது கனிவுடன்
ஒரு பார்வை வேறு

ம்ம்..

நாளை முதல்
அவளே
பொறுப்பேற்கட்டும்
நீ விழிப்பதற்கு!

2009-02-10T19:14:00.003+05:30

கண்க‌ள்
மெல்ல சுருக்கி

போர்வையின் பிடியில்
கொஞ்சம் மீண்டு

லயித்திருந்த கனவினில்
லேசாக விலகி

கொண்டிருந்த‌ காதலில்
கொஞ்சம் சிலிர்த்து

தலையணை பக்கம்
கைகள் துழவி

காகிதம் பேனா
தேடி எடுத்து

அப்போதைய கனவினை
கண்களில் நிறுத்தி

சாய்ந்தபடியே அதனை
மெல்ல கிறுக்கி

ஏதோ சாதித்துவிட்ட‌
மகிழ்வில்

மீண்டும்
கண் மூடினேன்

உன் நினைவினில்
உறக்கம் தேடினேன்!

2009-02-08T11:17:00.003+05:30

தெரிய‌வில்லை
எதுவென்று

நடு கோடாக‌
இல்லாமல்
வலப்பக்கம் துவங்க‌
திருத்தப்பட்ட கூந்தல்

நேர் வரிசையில்
நில்லாமல்
புன்னகையில் பூக்கும்
தெற்றுப்பல்

தெரிய‌வில்லை

இவ்விரண்டில்
எதில் அதிகம்
மயங்கினேன்
என்று!

2009-02-06T20:57:00.003+05:30

மூச்சு முட்டியது.

த‌ன்னிச்சையாய்
மேல் எழும்பி

த‌ற்காலிக‌மாய்
மூச்சிழுத்து

கொஞ்சமே
ஆசுவாசுபடுத்தி

மீண்டும்
மூழ்கினேன்

..உன் நினைவுகளில்!

2009-02-06T01:03:00.005+05:30

ஜ‌ன்ன‌லோர‌ இருக்கை
ரயிலின் தடதடப்பு

ஒளிந்திருந்த‌ சூரிய‌ன்
ஒட்டியிருந்த‌ வெளிச்சம்

ப‌ரிச்ச‌ய‌மில்லா ப‌ச்சை
ப‌டித்திருக்க‌ பார்த்திப‌ன் க‌ன‌வு

ஆழ்ந்து ர‌சிக்க‌
ஆன‌ந்த‌மாய் க‌ளித்திருக்க‌

ஆயிர‌ம் ஆயிர‌ம்
ஆவ‌ண‌ங்க‌ள் இருந்தும்

ஏனோ மூடியப‌டியே
கண்கள்!

2009-01-27T11:51:00.002+05:30

நிமிடத்துக்கு நிமிடம்
நிறம் மாறினேன்

இருந்தும் ஏசவில்லை
எவரும்

திசைகள் புரிந்தனவே!

2008-11-27T01:13:00.002+05:30

எப்படி இருக்கும்
இந்த முதல் சந்திப்பு?

ஆர்வமா
இல்லை பதட்டமா?

தெரியவில்லை எனக்கு

முதல் முறை
அவள் வீடு தேடி நான்

மீண்டும்
மெல்லிய தூரல்

சாலையோர மரங்கள்
மர நிழலில் நிறுத்தினேன் காரை

இரு அடிகளுக்கு பின்
ஏனோ திரும்பினேன்

மஞ்சள் நிற மலரொன்று
மஞ்சத்தில் சாய்வது போல்
வந்திறங்கியது
கார் முன் கண்ணாடியில்

மனம் குதூகலித்தது

அவசர ஒப்பனைகள்
பின்
அழ வைத்தேன்
அழைப்பு மணியை

ஆட்கள் எவரும்
அதிகம் இல்லா அவ்வேளையிலும்
ஆயிரம் கண்கள் என்னை பார்த்தனவோ!

மெல்ல‌ திறந்தாள் கதவினை
வெள்ளை தேவதை

தெள்ள தெளிவாக
தொலைந்து போனேன்
அப்போதே

"ஹே ஹாய்! வெல்கம்!
பைனலி எங்க வீட்டுக்கு வந்துட்டியா!
வா வா! கம் இன்"

அவ‌ள் இன்னிசையில் சிலாகித்தபடி
'இதோ' என்றேன்.

முப்பது நிமிடம்

பின்
ஒரு ஒன்றரை மணி நேரம்

பின்
ஒரு இருபது நிமிடம்

விடை பெறுவதாக நான் அறிவித்த நேரங்கள்.

இறுதியாக‌
இரண்டு மணி நேரம்
இருபது நிமிடங்கள் பின்

மீண்டும்
அவள் விட்டு வாசலில் நான்

லேசான‌ இருட்டு
சாலையில் மட்டுமே

ஆட்கள் எவரும்
அதிகம் இல்லா இவ்வேளையிலும்
ஆயிரம் கண்கள் என்னை பார்க்காதோ!

ஏங்கியது ம‌ன‌ம்
இம்முறை.

ஈரம் இன்னும் குறைய‌வில்லை
பெய்த மழையில்

சாலையிலும்
சோலையிலும்

எனக்குள்ளே சிரித்தபடி
நடந்தேன் காரை நோக்கி

அதில்
அழ‌கிய‌ பூ கோல‌ம்
முன் கண்ணாடி முழுவதும்
இப்போது!

2008-11-27T00:01:00.004+05:30

"I will come into your life and I'll sweep you off your feet"
- வாரணம் ஆயிரம்

2008-10-10T18:20:00.000+05:30

அழிக்கும் போதே
புரிந்தது

வரைவதை காட்டிலும் கடினம்
வரைந்த கோலத்தைக் கலைப்பதே!

2008-09-24T11:36:00.008+05:30

இரவுகள் எல்லாம்
இனி இனிதே

ஆம்

உறக்கம் எல்லாம்
இனி எனதே!

2008-08-27T19:01:00.001+05:30

அடுத்தடுத்த வரிசையில்
ஷெல்லி
தாகூர்
டால்ஸ்டாய்

ஆழ்ந்த உறக்கம் க‌லைக்க‌
ஆள் இன்றி

அர‌சாங்க‌ நூல‌க‌த்தில்!

I Day Thoughts

2008-08-19T18:47:00.003+05:30

Independence Day Celebrations
Sweets distribution
Bored Faces
... in the Jail !

-o-

Yes! All Indians are
my brothers and sisters.
So where are
my long lost siblings?
In Pakistan?

-o-

The sound of
guns firing and
people screaming
1919!

Culmination into
one loud silence
1947 - Independence!

2008-08-14T16:45:00.003+05:30

Shortest Path
was
also
the Best Path

Until,
everyone thought so
... in Traffic!

200!

2008-07-18T10:10:00.003+05:30

Writer's block...

Sometimes!

But my love for you...

Always!

2008-07-09T20:58:00.005+05:30

என் தேவதை
பிறந்த நாள்
இன்று

ஆர்ச்சீஸ்
வாசகங்கள் முன் நான்

கையில் இருந்தது என்னவோ
கொஞ்சம் சில்லரையே

அழகழகாக அத்தனை
அட்டைகள்

அத்தனையும் வாங்கி கொள்ளவே
ஆசை

இருபது நிமிட தேடலுக்கு பின்
தெளிந்தது
இதுவே என்று

கடற்கரை மணலில்
கைகோர்த்தபடி
நடந்த ஒரு சிறுவனும் சிறுமியும்

விலை 40 ரூபாய்

வெளியே விரைந்தேன்

மிதிவண்டியை மிதித்து
மறுநிமிடமே
நின்றேன் அவ‌ள் முன்

வா
என்றேன்

அவளையும் சுமந்து
மிதிவண்டியை மீண்டும்
மிதித்தேன்

பாரம் ஏதும் கூடியதாக தெரியவில்லை!

ஆர்ச்சீஸ் வாசல்

பின்
ஆர்ச்சீஸ் வாசகங்கள் முன் நாங்கள்

ஆச்ச‌ர்ய‌ம் நிறைந்த அவ‌ள் க‌ண்க‌ள்
ஆராய்ச்சியில் ஈடுப‌டும் முன்
நீட்டினேன் அக்க‌ண‌மே

முன் தேர்வு செய்திருந்த
வாழ்த்து அட்டையினை

'உன‌க்காக‌ நான் வாங்க‌ நினைத்த‌
வாழ்த்து இதுவே
ஆனால்...

என்னால் வாங்க‌ இய‌ன்ற‌து
இதுவே'

உள் மறைத்து வைத்திருந்த‌
ஒற்றை ரோஜாவினை நீட்டி

காதினில்
மெல்ல கிசுகிசுத்தேன்
'பிறந்த நாள் வாழ்த்துக்கள்!'

ஆஹா தருணங்கள்
ஓரிரண்டிற்கு பின்

விரைந்தோம் வெளியே
கடற்கரை மணலில்
கைகோர்த்தபடி
கோலங்கள் வரையவே!

2008-06-24T08:50:00.001+05:30

கோவிலுக்கு போகிறாயா?
எனக்காகவும் வேண்டிக் கொள்வாயா?

நிச்சயம்!

உனக்காக
வேண்டிக் கொள்கிறேன்

அப்படியே
உன்னையே வேண்டும் என்று
எனக்காகவும்
வேண்டிக்கொள்ளவா?

2008-06-11T10:27:00.001+05:30

ஒவ்வொரு கோணம்
ஒவ்வொரு அழகு

இயற்கை வரைந்த‌
அதிசய ஓவியம்

மரக்கிளை பின்
ஒளிந்த வானம்

மாசற்ற மாற்றம்
கொண‌ர்ந்த மழை மேகம்

எட்டிப்பார்க்கும்
குட்டி பெண்ணின் முகம்

ஒட்டிக்கொள்ளும்
அவள் உற்சாகம்

அத்தனையும் கலைந்தது
உடனே

மழை செய்த‌
புது குளத்தில்
மீண்டும்
சாரல் விழுந்ததும்!

2008-06-11T10:12:00.001+05:30

பாதம் பட்டு
கலங்கின‌
சிறு குளம்

சாலை வழியே நீ நடக்கையில்

மேகம் தொட்டு
குலுங்கின‌
இள மனம்

உன் பார்வை என்னை கடக்கையில்!

2008-06-05T17:02:00.002+05:30

பிடித்திருந்தது

அதிரடியும்
ஆர்ப்பாட்டமும்
அளவில்லாமல்!

கூட்டம் கூட்டமாக‌
மக்கள் அலை மோதிய‌
குற்றால காட்டருவி

ஆனாலும்
அதிகம் பிடித்திருந்தது

அமைதியும்
ஆனந்தமும்
அள்ள அள்ள

செல்லும் வழியில்
எங்கோ மறைந்திருந்த
மனிதர் நடமாற்றம் ஏதும் இல்லா
பெயர் தெரியாத அந்த சிற்றருவியே!

2008-05-29T20:10:00.007+05:30

கீழப்பாவூர் கிராமம்

பேருந்து நிறுத்த‌
நிழற்குடையில்
காத்திருந்தனர்
அவனும்
அவ‌ளும்

நேர‌ம் போக‌ போக‌
காத்திருந்து
வ‌ராத‌ பேருந்து ப‌ற்றி
எதேச்சையாக ஆரம்பித்த
உறையாடல்

சட்டென
ஒரு பரிச்சயம்
இருவரிடையேயும்

அவளுக்கு
அவனை பிடித்திருந்தது

அவனுக்கு
அவளை ரொம்பவே பிடித்திருந்தது

மெல்ல மெல்ல‌
பேசிக்கொண்டிருந்ததில்
பேருந்து வருவது எப்பொழுது என்பதில்
அதிக ஆர்வம்
தெரியவில்லை இப்பொழுது

இருவரும்
வெவ்வேறு ஊர் செல்ல‌வே
உத்தேசம்

நீ என் ஊருக்கு வந்திருக்கிறாயா?

என்னுடன் என் ஊருக்கு வர விருப்பமா?
ஏதேதோ என‌
முதன் முறை சந்தித்துக்கொண்டவர்கள் போல் இல்லாமல்
இயல்பான பேச்சு

ரயில் சினேகம்
மாதிரி இதை என்னவென்று சொல்வது

பேருந்து சினேகமா?
நாம் இன்னும் பேருந்தில் போகவேயில்லையே

அதுவும் இருவரும்
வெவ்வேறு பேருந்திற்க‌ல்ல‌வா
காத்திருக்கிறோம்

நிழற்குடை சினேகம் என்று சொல்லலாமா?

மொக்கையாக ஏதோ பேசி
அவளை சிரிக்க வைத்துக் கொண்டிருந்தான்

இரண்டு மணி நேரத்தில்
முதல் 60 நிமிட மெளனத்திற்கும்
அடுத்த 60 க்கும் தான்
எத்தனை மாற்றம்

காத்திருப்பது
அவ்வளவு சிரமாக இல்லை இப்பொழுது

நீங்க வாங்க போங்க‌
ஆனது சீக்கிரமே
நீ வா போ

கெமிஸ்ட்ரி பற்றி
புதிய அர்த்தம்
கண்டுகொண்டனர் இருவரும்

தூரத்தில்
புழுதியை கிளப்பியபடி
வந்து கொண்டிருந்தது ஒரு பேருந்து

சட்டென மலர்ந்த முகம்
மாறியது சீக்கிரமே

கேட்டிராத ஒரு
கிராமத்தின் பெயர்
சுமந்திருந்தது பேருந்து

எத்திசையில் செல்லும்?

சேர்ந்தே செல்லலாமா
அடுத்த ஊர் வரை?

அதன் பின் என்ன?

கேள்விகள் பல

பதில் கிடைத்தது ஒன்றிற்கே

பேருந்து அவள் ஊர் வரையே செல்லும்
அவன் ஊர் செல்லவில்லை

-o-

பேருந்தில் மீண்டும்
அதே வேகம்
எடை ஏதும் கூடாம‌லே

நிழற்குடையில் மீண்டும்
அதே உற்சாகம்
தடை ஏதும் இல்லாமலே

-o-

2008-05-06T18:43:00.006+05:30

வருடங்கள் சில பல‌
கடந்திருக்கும்

எதிர்பாராமல் நிகழ்ந்த
ஒரு சந்திப்பு அது

முதல் அறிமுகம்
நினைவில் இன்னும் பத்திரமாக!

கல்லூரி நாட்களில்
தோழியிடம் வாங்கிய‌
கருத்தம்மா இசை தட்டில் ஆரம்பித்த‌
இனிய உறவு
இனிய ஆச்சர்யம்
ஆச்ச‌ர்ய‌ உற‌வு!

எதிர்பார்ப்புக‌ள் அதிக‌ம்
இல்லாம‌லே ப‌ழ‌கினேன்

பின்
நாட்கள் பல லயித்திருந்தேன்
அவளின் இன்னிசையில்

நாட்கள் நகர‌
தெளிந்தேன் மெல்ல‌

புது உறவுகள்
அதில்
மெல்ல‌
மறந்தே விட்டேன் அவளை

என்றாவது நினைவில் தோன்றினாலும்
நினைவுகளில் மட்டுமே சந்தித்திருந்தேன் அவளை

2003ம் ஆண்டு
ஏ ஆர் ரஹ்மான் இசை நிகழ்ச்சி
முதன் முறையாக சென்னையில்

எதிர்ப்பாராமல்
மீண்டும் ஒரு சந்திப்பு
அவளுடன்

அதிரடி இசையின் ஆக்கிரமிப்பில்
அதிகம் பழகவில்லை இம்முறை

புன்னகையை மட்டும்
தவழவிட்ட படி
தாண்டி விட்டேன்

மீண்டும் மறந்து விட்டேன் அவளை

எப்போதாவது தோன்றும் நினைவு மட்டுமே
சந்திக்கும் ஆவல் அப்போதும் ஆட்கொள்ளவில்லை

இயன்றால் சந்திக்கலாம் என்றபடி
இயல்பாக இருந்துவிட்டேன்
இந்நாள் வரை

மே 1

சந்தித்தேன்
இன்று
இவ்விடத்தில் அவ‌ளை

தொலைத்த‌ உற‌வினை
தேடி நான் துவ‌ங்க‌

சீக்கிரமே தெரிந்து கொண்டேன்
எவ்வித‌ மாற்ற‌மும்
இல்லை அவளிடம் என்று

அன்று ஒரு நாள்
என்னிட‌ம் ஏற்ப்ப‌ட்ட‌ தாக்க‌ம்

இன்றும்
ஒரு அணு அள‌வும் குறையாம‌ல்

உற‌வை புதுப்பிக்கும் முய‌ற்சியில்
ஆஹா
மீண்டும்
சொக்கியே போனேன்!

தலைவா!

அந்திமந்தாரை-க்கு நன்றி

2008-04-20T23:33:00.002+05:30

இசை
உற்சாகம்
நிறைவு
ஆனந்தம்
தெளிவு

இந்நாள் போல்
எந்நாளும் இருந்துவிட்டால் தான் என்ன‌!

2008-04-17T16:21:00.000+05:30

ஒற்றைக் கல்
ஓராயிரம் கற்பனைகள்!

2008-03-19T13:04:00.003+05:30

கண்கள் சுருக்கி
தேடினேன் என் கைப்பேசியை

தலையும் என் வலக்கையும் மட்டுமே
பெட் ஷீட்டின் வெளியே

பத்து மணிக்கு கான்ஃப் கால்
ஒரு எட்டரை இருக்குமா இப்பொழுது?

வெளிச்சம் வழிந்து கொண்டிருந்தது
ஜன்னலின் வழியே

நீட்டிய கையில்
தட்டுப்பட்டது.
எடுத்துப் பார்த்தேன்

அட‌

"5 Message Received"

அதிகாலையில் ஐந்தா?

ICICI ஆ?
Airtel ஆ?

அவ்வளவாக
ஆர்வம் இல்லாமலே பார்த்தேன்

அட‌!

முதல் எஸ்எம்எஸ் அவளிடமிருந்து
வாசித்தேன் ஆர்வமாக‌

நடு இரவில் தூக்கம் வரவில்லையாம்
:-)
சிரித்தப்படி தொடர்ந்தேன்

இரண்டாவது எஸ்எம்எஸ்-உம் அவளிடமிருந்தே

அலுவலக வேலை பிடிக்கவில்லையாம்
:)
அது சரி

அவளே மீண்டும்

நேற்று நாங்கள் ஒன்றாக‌
அதிக நேரம் செலவிட முடியவில்லையாம்
:)

நான்காவது

அம்மா ஊருக்கு போயிருக்கிறார்களாம்
அதனால் அவள் கவலை இல்லாமல் எஸ்எம்எஸ் செய்கிறாளாம்
;)

குறும்புடன் அவள் சொல்வது போலவே இருந்தது

ஆச்சர்யம் ஏதும் இல்லை
ஐந்தாவதும் அவளே

"What doing? Sleeping? Dreaming? About me? Better say yes :-)"

கைபேசியை மடித்து வைத்தேன்
சோம்பலுடன் கூடிய புன் சிரிப்பு
என் முகத்தில்!

மெல்ல புரண்ட படி எஃப்எம்-ஐ
உயிர்பித்தேன்

"ஒரு நாளுக்குள் எத்தனை கனவு
உன் பார்வையில் விழுகிற பொழுது
தொடு வானத்தை தொடுகிற உணர்வு"

கார்த்திக்கின் குரல் உருகி கொண்டிருந்தது!

2008-03-18T17:16:00.003+05:30

அம்மாவின் சமையல்
அமிர்தம் என்றேன்

ஹோட்டலில் சாப்பிட‌
ஆரம்பித்தப் பின்.

ஹோட்டல் சாப்பாடும்
அமிர்தம் என்கிறேன்

ஹோட்டலை விட்டு
நான் சமைக்க ஆரம்பித்த பின்!

நிறம்!

2008-03-10T20:02:00.001+05:30

காதலர் தினம்
இன்று

அணியும் உடையின்
வண்ணங்களில் புது அர்த்தங்கள்

நண்பன் ஒருவன் அனுப்பிய மடல் சொன்னது

வேடிக்கைக்கே என்றாலும்
நாமும் தாம் கொஞ்சம்
விளையாடிப் பார்க்கலாமே!

சிந்திக்க துவங்கினேன்.

பல நிமிட யோசனைக்கு பின்
அடுக்கி வைத்திருந்த சட்டைகள் தான்
ஒரு பெரிய குவியலாக!

குவிந்திருந்த குழப்பத்தில்
ஒரு திடீர் தெளிவு

"என்ன டிரெஸிங் சென்ஸ் உனக்கு"
என்றபடி
முதல் முறையாக‌
அவள் எனக்காக தேர்ந்தெடுத்திருந்த‌
அந்த டி ஷர்ட்
என்னை அழைத்தது போல் இருந்தது!

எந்த தயக்கமும் இன்றி
தெளிவுடன்
முழு திருப்தியுடன்
கொஞ்சம் திமிருடன்
அணிந்தபடி கிளம்பினேன்
அலுவலகம் நோக்கி.

"என்னடா
இந்த கலர் சட்டைல வந்திருக்க?
இன்னைக்கு இந்த கலர்ல வந்தா
என்ன அர்த்தம்னு தெரியுமா?"

தோழன் வாசலில் கேட்டபொழுது தான்
உணர்ந்தேன்
நான் அணிந்த அந்த டி ஷர்ட்டின் நிறம்!

நிறம் எதுவாயிருந்தால் என்ன‌?

"ஹே! என்ன‌ இன்னைக்கு இந்த‌ டி ஷ‌ர்ட்ல‌ வ‌ந்திருக்கியா?
சரி இப்படி சூப்ப‌ரா வ‌ந்த‌து யார‌ அச‌த்தற‌துக்கு?"

அவ‌ளே தான்!

ஏதும் சொல்லாமலே
எப்பொழுதும் போல் ஒரு சிரிப்பு
சிரித்து வைத்தேன்!

2008-03-10T15:33:00.000+05:30

என்னவள் பெயரினை
நான் எழுதிப் பார்க்க‌

என் பெயரையே
அவளும் எழுதிப் பார்க்க‌

பேனாகள்
பரிசளித்த நொடியில்

மாறிப்போனது
எங்கள் கையெழுத்து மட்டுமல்ல‌

இதயமும் தான்!

2008-03-04T11:46:00.002+05:30

சாரலில் நனைந்தோம்
பிடித்திருந்தது

மீண்டும்
குடைக்குள் குவிந்தோம்

இதுவும்
பிடித்திருந்தது !

நிஜம்!

2008-02-19T17:03:00.002+05:30

இரவு பதினொன்று
என் அறையில் தனியாக
நான்

எதை பற்றியும் சிந்திக்காம‌ல்
ஏதோ ஒரு ஆழ்ந்த நிலையில்

ஒரு முறை கிள்ளிப் பார்த்தேன்
அட‌!
கொஞ்சம் வலிக்கத்தான் செய்தது

நான் பொழுதும் காணும்
கனா அல்லவே இது!

நடந்தவையெல்லாம் உண்மை தானோ!

மீண்டும் ஒரு முறை
மூழ்கியே போனேன்
நன் நினைவுகளை நினைத்தப் படி
உன் நினைவுகளில் நனைந்த‌ப் படி

மாலை ஆறு
என் வீட்டின் முகப்பில் நாம்

"ஹேய்... கொஞ்ச நேரத்துல கிளம்பிடனும்... ஓகேவா?"

முப்ப‌து நிமிட‌ங்க‌ள் என்
முடிவெடுத்தோம்!

மும்மு‌ர‌மாக‌
என் சிறுவயது புகைப்படங்களை
ஆராயத் துவங்கினோம்!

தனிமையில் நாம்
அருகில்
ஒட்டிய படி நீ

எல்லைக் கோடுகள் எதுவும்
மெல்ல
இல்லை என்றே ஆனது

சின்ன‌ சின்ன‌ வருடல்கள்
புது புது சிலிர்ப்புகள்

ஸ்பரிசங்கள் எல்லாம்
புது புது
ச‌ங்கீதங்கள்

அதிகம் பேசிக்கொள்ளவில்லை
ந‌ம் உத‌டுக‌ள்

இன்று
அதிகம் பேசவும் விரும்பவில்லை
நம் உதடுகள்

"சோ க்யூட்"
என்றாய்
என் பள்ளி பருவத்தைப் பார்த்து

"இவ்ளோ சமத்தா நீ அப்போலாம்"
என்ற படி
புகைபடத்தில் என் கன்னத்தை கிள்ளி
ஒரு முத்தம் வைத்தாய்.

இப்போதும் நான் சமத்து பையன் தானே!

எண்ணியபடி கேட்டேன்

நிஜம் அருகில் இருக்க
நிழலுக்கேன் இத்தனை அலங்காரம்?

சட்டென திரும்பினாய் தெளிவின்றி.

"என்ன... என்ன கேட்ட?"

பதில்கள் தேவையில்லாத கேள்விகள் சில‌!

சிரித்தபடியே உன்னைப் பார்த்திருந்தேன்.

வெட்கத்தில் நீ சிரிக்கும் அந்த சிரிப்பிருக்கிறதே!

ஆஹா!

அதிலிருந்து இன்னும் நான் மீளவே இல்லை!

இரண்டு நொடி மெளனம்
பின்
இரண்டு வருடத் தவிப்பின் அமைதி

மெல்ல மெல்ல‌
என் இரு கைகளால்
உன் முகம் உயர்த்தி

கண்ணோடு கண் பார்த்தபடி
நம் இரு உதடுகளின்
பிரிவு குறைக்கலானேன்

கண்கள் மெல்ல நீ மூட உன்
உதடுகளை எனது தேட‌...

முப்பது நிமிடங்கள்
என
அதற்கு பின்
மூன்று முறை எடுத்த முடிவு

எல்லாம் எல்லாம்...

மீண்டும்
ஒரு முறை கிள்ளிப் பார்த்தேன்

அட‌!
இனி எதுவும் கனவல்லவே!

நீ நிஜம்
நான் நிஜம்
நம் காதல் நிச்சயம் நிஜம்!

2008-02-17T21:15:00.002+05:30

What's this stage in life,

When every chat
is cherished

When every gift
is treasured

When every smile
is nostalgic

When every minute
is memorable

When every separation
is long

When every touch
is warm

When every joy
is you

When every thrill
is mine

When every thing
is pleasant

When every body else
is non existent

What is it?

2008-02-17T14:58:00.002+05:30

ஒரு வருடத்திற்கு
ஒரு கோடி முறை
கண் இமைப்போம்

படித்தேன் எங்கேயோ!

உண்மையா தெரியவில்லை

ஆனால் ஒன்று

உன் அறிமுகம்
கிடைத்தப் பின்
நிச்சயம்
அது தடாலடியாக
குறைந்திருக்கும்!

காதல்!

2008-02-14T21:31:00.001+05:30

காதலே
உன் அறிமுகத்திற்கு நன்றி

அறிந்துக் கொண்டேன்
என்னை

காதலே
உன் தோழமைக்கும் நன்றி

புரிந்துக் கொண்டேன்
புது மொழியினை

உன் அறிமுகம்
புது உலகம்

உன் தோழமை
புது உறவு?

2008-02-03T13:56:00.000+05:30

சில நிமிட சலனத்திற்கு பின்
சிக்கல்கள் மெல்ல‌
அவிழ்ந்தன‌

அட!
புது சிக்கல் தேடி
மீண்டும் நம் விரல்கள்

வண்ணங்கள் !

2008-02-03T13:15:00.000+05:30

இருபது நிமிடம்
இரவில் பயணம்

இரண்டு சக்கர வாகனம்
இருவர் இதில் நாமே

தலைவலி என நீ என்
தோள் மீது சாய்ந்திருக்க உன்
தலை கோதியபடி நான்
தவம் கொண்டது போல் சாலை கடக்க‌

வார்த்தைகள் ஏதும்
வீணடிக்க படவில்லை
வழக்கங்கள் ஏதும் இன்று
வரம்பு மீறவும் இல்லை

மெளன உலகில்
ஊர்வலம் சென்றோம்
இருந்தும்
மட்டற்ற மகிழ்ச்சி
உள் மனதில் கொண்டோம்

தனிமையில் ரசிக்கும் அந்த‌
மொட்டை மாடி நிலவு

இனிமையில் நனைக்கும்
அந்த கடற்கரையில் கால்கள்

முழுமையின்றியே முடியும்
முக்கால்வாசி நடு இரவு மொக்கை

ஆஹா.. அப்புறம் இது !

என் வாழ்க்கையின் குறிப்பில்
புது புது வண்ணங்கள்

ஒவ்வொரு வண்ணத்திற்கும்
ஒவ்வொரு நன்றி தோழி !

2008-01-28T12:48:00.000+05:30

To my only sibling,
For growing up with me.

To my equal opponent,
For fighting it out.

To my greatest challenge,
For winning them all.

To my closest confidant,
For listening to them all,

To my wonderful friend,
For being with me.

To my dear sister,
For the spl love out of this relation.

Have a great birthday dear !!!!

And
To my favourite gossiper,
To my favourite girl,
To my favourite smile,
To my favourite guts of yours,

Long Live them all :)

Love you my dear !!

கர்வம்!

2008-01-25T20:59:00.001+05:30

ஆச்ச‌ர்யம்
கனவுகள்
உற்சாகம்

என்னவள் நீ
என்னிடம் பேசும்
ஒவ்வொரு முறையும்

கொள்கிறேன்
உன்னிடம்
மேலும் மேலும்
காதல்

அன்பு
அக்கறை
அரவணைப்பு

புதியவள் நீ
எனக்காக பேசும்
ஒவ்வொரு முறையும்

கொள்கிறேன்
என் மேல்
மேலும் மேலும்
கர்வம்!

2008-01-25T20:56:00.001+05:30

என்னில் ஒரு பாதி
நீ

அதெல்லாம்
அந்த காலம்

உன்னில் கொஞ்சம் மீதி
நான்

இதே என்
புதிய‌ கோல‌ம்!

காலங்கள் மாறலாம் - புது
கோலங்கள் கொள்ளலாம்

ஆனாலும்
மாறாத காதலே
தோற்காத நேசமே!

வெல்!

2008-01-22T21:36:00.000+05:30

ஆழமாக‌ சுவாசம்
இழுத்துப் பிடித்தாய்

ஆழ்கடலின் அடிவார‌ம்
ஆர்வமாக குதித்தாய்

கண்களில் தெளிவும்
மனதில் அமைதியும்

அபரித அளவில்
கொண்டிருந்தாய்

தடைகள் ஒவ்வொன்றையும்
திறமையாக தாண்டினாய்

சிப்பிகள் சேகரித்தாய்

கடலின் அடியில் எம்பி
மீண்டும் விண் எட்டிப் பார்த்தாய்

கரை சேர்ந்தாய்

சிப்பிகள் திறக்க எத்தனித்தாய்

தேடிய முத்துக்கள் கிடைக்குமா?
கிடைத்த முத்துக்கள் பிடிக்குமா?

கவலை சிறிதும் வேண்டாம் தோழி!

கிடைத்தால்
பிடித்தால்
மகிழ்ச்சி

இல்லையென்றாலும் மகிழ்ச்சி

இத்தனை சிப்பிகள் சேகரித்தாய் நீ
பிடித்த ஒன்றிற்காக

இன்னொரு முறை சுவாசம் பிடித்தால் தான் என்ன?

பயப்பட ஒன்றும் இல்லை
பயன் படவே எல்லை ஏதும் இல்லை

நிறைவுடன் செல்
நினைத்ததை சொல்
விரைவிலே வெல்!

2007-12-25T21:11:00.000+05:30

"I hope you remember me after the vacation"

"I think so! What would you do if I forgot you?"

"Hmmm... Not a problem. I would win you over again dear!"

"..."

"..."

Love is love's reward. John Dryden

எக்ஸ்யூஸ் மீ!

2007-12-16T21:09:00.000+05:30

அடித்து பிடித்து ரிலயன்ஸ் ஃப்ரெஷ் போயிருந்தேன்!

"ட்ராபிக்கானா எந்த ஃப்லேவர்? ஆரஞ்ச் ஆ? மிக்சட் ஆ?"

"பியர்ஸ் சோப்‍ ல எது? மின்ட் ஆ? டிரை ஸ்கின் ஆ?"

"பெப்சோடெண்ட் ல ப்லெய்ன் ஆ டூ இன் ஒன்னா?"

"டிரை ஃப்ரூட்ஸ் அண்ட் நட்ஸ் ல ஆல்மண்ட்ஸ் பிஸ்தா பாதாம் போதுமா?"

...
...

ப்ரிங்கிள் சிப்ஸ் பாக்கட்கள்
எடுத்த படியே பத்திரமாக ஷெல்ஃபில் வைத்தேன் இரண்டையும்.

"எக்ஸ்யூஸ் மீ"

யாரது என்று திரும்பினேன்.

என் வயதொத்த ஒரு இளைஞன். முன் எங்கும் பார்த்தது போல் இல்லை.

யாராக‌ இருக்கும்?

"எஸ்" என்றேன்

"டியோடரண்ட் லாம் எங்க இருக்கு"

"அந்தப் பக்க‌... ஹே என்ன?"

"டியோடரண்ட் செக்க்ஷன்.. ஹோ நீங்க...சாரி.."
என்றபடி நகர்ந்தான்.

ஆ! ச்சே என்றிருந்தது எனக்கு.

இருந்தும் ஏதும் நடக்காதபடி அங்கிருந்து விலகி சென்றேன் தேடியபடி.

"ஹா ஹா ஹா.. என்ன மச்சி பெட் எப்படி!! சோ குவாட்டர் செலவு இன்னைக்கு உன்னோடது தான்.. ஓகேவா?"

அவன் தான். என்னிடம் டியோடரண்ட் விசாரித்தவன்.
அவன் நண்பர்கள் இருவருடன்.

என்ன?

"அதுவும் நான் அவன்ட்ட எங்கனு கேட்டவுடனே அவன் மூஞ்சப் பார்க்கணுமே
நல்ல வேளை சிரிப்பை அடக்கிட்டு வந்துட்டேன்"

அட‌ப்பாவி! ஆத்திரம் பொங்கியது எனக்கு.

அவன் சிரித்தபடி அங்கிருந்து அடுத்த சந்தில் நுழைந்தான். அவனிடம் ஏதாவது நன்றாக கேட்க வேண்டும் என்றபடி அவனை தொடர்ந்தேன்.

"ஹெலோ.."
வாயெடுக்கும் முன்

"எக்ஸ்யூஸ் மீ"
பெண் குரல்

திரும்பினேன். அவனும் திரும்பினான். அவள் என்னை கவனிக்காதபடி அவனிடம்
"நூறு வாட்ஸ் பல்ப்ஸ் எங்க கிடைக்கும்?"
என்றாள்

"பல்பா? சாரி எனக்கு தெரியாது. நானும் இங்க வாங்க வந்தவன் தான்"
அசடு வழிந்தான்
அவன் தலை மீதே ப‌ல்ப் எரிந்தபடி!

"ஹோ அப்படியா.. வேறு எங்கு கிடைக்கும்?"
அவளுக்குள்ளேயே பேசியபடி விலகி சென்றாள்.

ஒரு நமட்டு சிரித்தேன் நான்!

"ஹஹ்ஹஹ்ஹா"
சிரிப்பு சத்தம் அவன் நண்பர்களிடமிருந்து.

"சாரி"
மீண்டும் ஒரு முறை என்னிடம் சொன்னபடி, இந்த முறை நிஜமாக, விரைந்து வெளியேறினான்.

திருப்தியுடன் கேஷ் கவுண்டரை நோக்கி சென்றேன்!

மீண்டும் அவள்
இம்முறை என்னை நோக்கி

அருகே வந்தாள்
என்னை முறைத்துப் பார்த்தாள்

ஒரு நொடிக்கு பின்
சட்டென வெடித்து சிரித்தவளாய்
"எப்படி!!"
என்றபடி என் கை பிடித்தாள் அவள்!

(சில நிமிடங்கள் முன்)

"ட்ராபிக்கானா எந்த ஃப்லேவர்? ஆரஞ்ச் ஆ? மிக்சட் ஆ?"

"பியர்ஸ் சோப்‍ ல எது? மின்ட் ஆ? டிரை ஸ்கின் ஆ?"

"பெப்சோடெண்ட் ல ப்லெய்ன் ஆ டூ இன் ஒன்னா?"

"டிரை ஃப்ரூட்ஸ் அண்ட் நட்ஸ் ல ஆல்மண்ட்ஸ் பிஸ்தா பாதாம் போதுமா?"

வேறொன்றும் இல்லை
அவளுடன் ஸ்பென்செர்ஸ் டெய்லில் அவளுக்கு உதவியபடி நான்!

"ஹே இந்த வீக் என்ட் மீட் பண்ண முடியலனு ஃபீல் பண்ணியே
இப்போ நான் இங்க ஸ்பென்செர்ஸ் டெய்லி ல தான் இருக்கேன்
நீ வந்தா கொஞ்ச நேரம் பேசிட்டு இருக்கலாம்
அப்படியே எனக்கு நீ ஹெல்ப் பண்ணின மாதிரியும் இருக்கும்"

முப்பது நிமிடங்கள் முன் அவள் சொன்னதின் விளைவு தான் இதெல்லாம்!

"லேஸ் சிப்ஸ் விட இந்த ப்ரிங்கிள் நல்லா இருக்கும்.. ட்ரை பண்றியா?"
கையில் இரண்டு பாக்கட்களுடன் நான் அவள் முன்

"ஹே எனக்கு எந்த சிப்ஸ் உம் வேண்டாம்.. இவ்ளோ வாங்கிட்டேன்"

ப்ரிங்கிள் சிப்ஸ் பாக்கட்கள்
எடுத்த படியே பத்திரமாக மீண்டும் ஷெல்ஃபில் வைத்தேன் இரண்டையும்.

"எக்ஸ்யூஸ் மீ"

ஆல் தி பெஸ்ட்!

2007-12-13T21:28:00.000+05:30

"ஆல் தி பெஸ்ட்"

கையை நீட்டினாய்

"ஹே.. தாங்க்ஸ்"

கை பிடித்தேன்

"கான்ஃபிடெண்டா இரு.. நீ நிச்சயம் நல்லா தான் பெர்ஃபார்ம் பண்ணுவ"

"ம்ம்..பார்க்கலாம்"

"ஹே.. என்ன உன் கை இவ்ளோ சில்லுனு இருக்கு? டென்ஷனா?"

"ஆமா...கொஞ்சம் டென்ஷன் தான்"

உன் இடது கையை
என் வலதின் மீது
அணைத்தாய்

"ச்சே..எதுக்கும் கவலை படாதே... எல்லாம் சூப்பராக நடக்கும்.. ஓகேவா?"

சிரித்தாய்

நானும் கொஞ்சம் சிரித்து வைத்தேன்

"ச்சியர் அப்"

என்றபடி
உன் கண்களை சுருக்கி
குறும்பாக சிரித்தபடி
ஆள்காட்டி விரலால்
என் உள்ள‌ங்கையை வருடினாய்!

ஆஹா!!

என்னவென்று தெரியவில்லை

ஆனால் அந்த நொடியில்
மீண்டும்
தொலைந்தே போனேன் நான்!

தெரிந்து கொள்வேனா?

2007-12-06T21:10:00.000+05:30

நீ இன்னும்
என்னை
ஏற்றுக்கொள்ளாத
இந்த பொழுதே

உன்னோடு இருக்கும்
ஒவ்வொரு நொடியும்
இத்தனை
குதூகலிக்கிறதே
என் மனம்

இன்னும்
நீ
என்று
"ம்..."
என்கிறாயோ

அன்று
என்னவெல்லாம் அட்டகாசம்
செய்யுமோ தெரியவில்லை
என் மனம்!

என்றாவது
தெரிந்து கொள்வேனா? :)

2007-12-06T18:19:00.000+05:30

If this is not it, then what is?

2007-11-30T17:35:00.000+05:30

"Loving someone is giving them the power to hurt you, but trusting them not to".
- Anonymous

You changed me!

2007-11-28T12:39:00.000+05:30

(Not completely original)

We meet a lot of people in life

Some give us joy
Some give us sorrow

Some leave us elated
Some leave us depressed

Some keep us thrilled
Some keep us frustrated

And there are some people
who make an impression so big in our life
that our life is never the same again after that.

You changed me dear!
changed me for the good
changed me once for all :)

மன்னித்துவிடு!

2007-11-28T12:27:00.000+05:30

உன்னுடன் நான்
உறவாடும்
ஒவ்வொரு நிமிடமும்

வேறு எவரும்
அருகில் இருப்பதையே
உணர்வதில்லை நான்

தனிமையில்
பேசுவது போலவே
உன்னிடம்
உளரும் என்னை
மன்னித்துவிடு தோழி

நானும் உன்னை
மன்னித்து விடுகிறேன்

என்னை இப்படி
மாற்றியதற்காக!

வேலை வேண்டும்!

2007-11-27T23:04:00.000+05:30

அதிக வேலையாம்!

இமை கொட்டாமல்
பார்த்திருந்தாய்
உன் கணினி மானிட்டரை!

ஹாய்!
ஹலோ!
ஹே!

எதையும் பொருட்படுத்தாத
கவனம் உன்னிடம்

ச்சே!

பொறுமை இல்லை என்னிடம்!

சரி
எனக்கும் ஏதாவது
வேலை கொடு!

உன்னை பற்றி
கவிதைகள் எழுதி
உன்னை படுத்தட்டுமா?

இல்லை
உன்னைப் போல் நானும்
வேலையில் மூழ்கட்டுமா?

உன் அருகே
எனக்கோர்
இடம் கொடு

இமை கொட்டாமல்
நானும் பார்த்து இருந்துவிடுகிறேன்
என் கனவு மானிடரை!

2007-11-27T19:48:00.000+05:30

அப்படி என்ன தான்
பேசிக்கொள்வார்கள்?

தெரியவில்லை
அப்போது

அப்படி என்ன தான்
பேசிக் கொள்கிறோம்

தெரிவதில்லை
இப்போது!

2007-11-22T21:13:00.000+05:30

படம்: கற்றது தமிழ்
இசை: யுவன்ஷங்கர்ராஜா
பாடியவர்: யுவன்ஷங்கர்ராஜா
பாடலாசிரியர்: நா முத்துக்குமார்

உனக்காகத்தானே இந்த உயிர் உள்ளது
உன் துயரம் சாய என் தோள் உள்ளது
முடியாமல் நீளும் நாள் என்றும் இல்லை

யார் என்ன சொன்னால் என்ன ‍அன்பே
உன்னோடு நானும் வருவேன்

ஒரு முறை ஒரு முறை நீ சிரித்தால்
நான் வாழ்வது அர்த்தம் ஆகும்

மறு முறை மறு முறை நீ சிரித்தால்
இந்த ஜென்மத்தின் சாபம் தீரும்

வான் பார்த்த பூமீ காய்ந்தாலுமே
வரப்பென்றும் அழியாதடி

தான் பார்த்த பிம்பங்கள் தொலைந்தாலுமே
க‌ண்ணாடி மறக்காதடி

மழை வாசம் வருகின்ற நேரம் எல்லாம்
உன் வியர்வை தரும் வாசம் வரும் அல்லவா

உன் நினைவில் நான் உறங்கும் நேரம் அன்பே
மரணங்கள் வந்தாலும் வரமல்லவா

நாம் இருக்கும் இந்த நொடி முடிந்தாலுமே
நினைவென்றும் முடியாதடி

நாம் எடுத்த நிழல் படம் அழிந்தாலுமே
நிஜமென்றும் அழியாதடி

நான் கேட்கும் அழகான சங்கீதங்கள்
நீ எந்தன் பெயர் சொல்லும் பொழுதல்லவா

என் மூச்சின் சுவாசங்கள் உனதல்லவா
நீ இன்றி என் வாழ்க்கை பழுதல்லவா

2007-11-22T20:57:00.000+05:30

நிமிடங்கள் முன்
உன்னுடன்
கைகுலுக்கிய
என் வலக்கை
பிசுபிசுத்த‌து

பிரிவில் சிந்திய கண்ணீரோ
விய‌ர்வை!

2007-11-21T17:26:00.000+05:30

"கோழைகள்"

தண்ணியும்
தாடியுமே
தோழர்கள்
என்று த‌வித்திருக்கும்
காதல் தோல்வி
இளைஞர்கள்

எண்ணியிருந்தேன்
ப‌ல‌ நாள்

ஏனோ
நேற்று
கண்ணாடியில் தெரிந்த
என்
இரண்டு வாரம் தாடி‌

புரிந்து கொண்ட‌து
அந்த‌ வ‌லியை!

அழகு!

2007-11-13T22:55:00.001+05:30

கண்களில் வந்து விழும் அழகு
பெண்களையெல்லாம் ரசிக்கும்
சராசரி ஆண்மகன் தான் நானும்

உன் அறிமுகம் கிடைத்தும்
எதுவும் மாறிவிடவில்லை என்னிடம்

இப்பொழுதும்
கண்களில் தெரியும்
அழகு பெண்களையெல்லாம்
நிச்சயம் ரசிப்பேன்

என்ன
ஒரு சின்ன மாற்றம் மட்டுமே

இப்பொழுதெல்லாம்
அப்படி யாரும்
என் கண்களுக்கு தென்படுவ‌தில்லை

அல்ல அல்ல‌!!

என் கண்களுக்கு
வேறு யாரும்
அழகாக தெரிவதில்லை

இனியும்..

2007-11-13T22:47:00.000+05:30

இலக்கேதும் இல்லாமல்
இருக்கும் இடமும் தெரியாமல்

இய‌ந்திரமாய் வாழ்ந்திருந்தேன்
இனியவள் நீ அருகே இல்லாமல்

இனியும்..

இயன்றவரை இயல்பாக‌வும்
முயன்றவரை முடிவேதும் தெரியாமலும்

இருந்து விடுவேன் இவ்வுலகில்
இன்னல்கள் உனக்கேதும் கொடுக்காமல்!

எக்கணமும் !

2007-11-02T20:26:00.000+05:30

என் கால்கள்
எப்பொழுதும் தயாராக‌

தோழி
உன்னை சந்திக்க
எக்கணமும் தேடி வரவே

என் கைகள்
எப்பொழுதும் தயாராக‌

தோழி
உனக்கு தடையாகும் யாவற்றையும்
உடைத்து எறியவே

என் காதுகள்
எப்பொழுதும் தயாராக‌

தோழி
உன் மன‌ம் கேட்டறிந்து
பாரங்கள் குறைக்கவே

என் தோள்கள்
எப்பொழுதும் தயாராக‌

தோழி
உன் கவலைகள் மறந்து
அதில் சாயந்து கொள்ளவே

2007-10-23T21:05:00.000+05:30

நிலாச் சோறு
ஊண்ணும் காலத்திலிருந்து

நான்
அறிந்த காதல்
தெரிந்த முதல் காதல்

மேகம் மெல்ல உரச‌
நிலவு வெட்கத்தில் பின் ஒளிய‌
ஆயிரம் ஆயிரம்
நட்சத்திரங்களின் முன்

இரவெல்லாம்
தொடர்ந்திடும் அந்த‌
காதல் சடுகுடு தான்!

இன்றுமே
பார்த்து பார்த்து ரசிக்க‌
சலிக்காத காதல்!

விசித்திரம் !

2007-10-18T22:32:00.000+05:30

உற்சாகம் ஊற்றெடுக்கும்
ஒவ்வொரு முறையும்
உயிர் நண்பனிடம்
உண்மை காரணம்
சொல்வது வழக்கம்!

அன்று இருந்த
என் உயிர் நண்பன்
இன்று
என் அருகில் இல்லை

ஆனால்
என் வாழ்வில் வீசும் வசந்தமோ
இன்றும் தொலைவில் இல்லை

இப்பொழுதும் தான்
உயிர் நண்பரிடம்
உண்மை காரணம் சொல்கிறேன்

விசித்திரம் என்னவென்றால்
உண்மை காரணம் சொல்லும்
என் உயிர் நண்பரே
என் உற்சாகத்திற்கும்
காரணமாக இருப்பது தான்!

முதல் முறை கனவு பலிக்குதே...

2007-10-16T10:01:00.000+05:30

பார்த்திருந்த டிவிடியை
பாதியிலே கைவிட்டு
இரவு பனிரெண்டிற்கே
உறக்க‌ம் த‌ழுவ‌ எத்த‌னித்தேன்

காலை எட்டரைக்கு
கான்ஃப் கால்

பனிரெண்டு மணி நேரம்
செய்த வேலை அசதியில்
உண‌ரும் முன்
உறங்கி தான் போனேன்

கனவுகள் ஏதும் இன்று இல்லை

தினமும் கனவுகள் வர
வரம் ஏதும் என்னிடம் இல்லை

ஆனால்
ரம்மிய இசை மட்டும்
புதிய‌ இணைப்பாக‌
என் காதருகே ஒலித்துத்திருந்தது

ஆஹா எத்தனை சுகம்!

கேட்கும் இசையின் வடிவமும்
பல முறை கேட்டது போல!

ஹே இல்லை இல்லை

இசை என் கனவில் அல்ல‌
என் காதருகே இருந்த‌
என் கைபேசியில் தான்

முன்பே வா வின்
முதல் வரி
முத்தாய்பாய்

அட‌
நீ தான்
இந்நேரத்தில்

என்ன ஆச்சர்யம்!

தூக்கத்தின் பிடியை
நொடியில் விடுத்தேன்

திடீர் அமைதி

நான் பதிலளிக்கும் முன்
கொண்டது மெளனம்

இன்னும் ச‌ரியாக‌ தெளிய‌வில்லை

ஓ
ஒரு எஸ் எம் எஸ் வேறு
உன்னிடமிருந்து

ஏழு நிமிடங்கள் முன்

ப‌தில் அளிக்காததால்
தூது அனுப்பினாயா
முன்பே வா என்று?

வாசித்தேன்

" "

வார்த்தைகள் போதுவதில்லை
சில சந்தோஷங்களை பகிர்ந்துக் கொள்ள

அல்ல அல்ல‌
வார்த்தைகளில் சொல்ல தெரிவதில்லை

பல நாள் கனவு ஒன்று
கனவில்லா இரவு உறக்கத்தின் போது
நனவானது

உற்சாகம் உச்சஸ்தாயில் ஆர்ப்பரிக்க‌
உள்ள சுவடே தெரியாமல் விடை பெற்றது உறக்கம்

போர்வையை விலக்கி
படுக்கையிலே எழுந்தமர்ந்தேன்

என்ன பதிலளிப்பது?
சுகமான இந்த கேள்விக்கு
பதில் தேட துவங்கினேன் :)

கனவில்லா உறக்கம் என்று
நினைத்திருந்தேன்

எத்தனை மாற்றம் அதனுள்

கனவும் நனவு ஆனது
உறக்கம் இல்லாமலே போனது

உண்மையாக நிலைத்திருந்த‌து
உன்னை நினைத்திருந்தது மட்டுமே!

2007-10-11T22:30:00.000+05:30

வருடங்கள் பல‌
வாழ்ந்தாலும்

விருப்பங்கள் பல‌
வென்றாலும்

விடைபெறா நினைவுகள்
உன் நினைவுகள்

இனி

விடையில்லா என்
கேள்விகளையும்

விலையில்லா ந‌ம்
நன்நட்பையும்

வரைந்துவிடுவோம் விண்வெளியில்
விண்மீன்க‌ளாய்

விளையாட்டு மனங்களில்
வேண்டாம் விவாக விவாதம்!

நிலையில்லா நிரந்தரம்!

2007-10-09T21:28:00.000+05:30

பள்ளியின்
கடைசி நாட்கள்

நண்பர்களைப் பிரியும்
சோகம்

ஒன்றாக சேர்வோமா
கல்லூரியில்?

சாத்தியம்
ஆனால்
இங்கு சாத்தியப் படவில்லை!

- o -

தாய் தந்தையைப்
பிரிந்து

முதன் முறை
செல்லும் பள்ளி

தாய் த‌ந்தை
அல்லாத‌ ஒரு புது உல‌க‌ம்

பால் மணம் மாற‌
பிள்ளையின் அழு குரலில்
ஒளிந்திருக்கும்
பரிதவிப்பு

- o -

கல்லூரியின்
நான்கு வருடங்கள்
தோழன் அவ‌னே
தமையன் அவ‌னே

வெவ்வேறு ஊரில்
கிடைத்த‌ வேலை

அடிக்கடி சந்திப்போம்
என்று மனம் தேற்றிக் கொள்ளும்
அந்த இயலாமை

- o -

பிள்ளையின் மணம் முடிய‌
கடமைகள் இனி இல்லை

கொண்ட சந்தோஷம்
முடியும் முன்

வந்தவள் சொல் கேட்டு
வாய்த்த‌து முதியோர் இல்லம்

உனக்கு நான்
எனக்கு நீ
உண்மை உறவு இனி இதுவே

விட்டு வெளியேறும் போது
கொள்ளும் வேதனை

- o -

என்றுமே
உறவுகளில்
இல்லாத நிரந்தரம்

இது தானோ
எங்குமே
இயற்கையின்
சுதந்திரம்!

2007-10-03T19:59:00.000+05:30

2007 போதும்
2008 வேண்டாம்

நவம்பரை அடுத்து
டிசம்பர் வேண்டாம்

மீண்டும் மீண்டும்
நவம்பர் மாதமே
வந்தால் என்ன?

இன்று முடிந்து
நாளை வர வேண்டாம்
இன்று ஒரு நாளே
இறுதி வரை
இருந்துவிட்டால் என்ன?

அடுத்த
வருடமோ
மாதமோ
வாரமோ

என் வாழ்வில்
நீ இல்லாமல் தான்
போவாய் என்றால்

இவை எல்லாம்
இல்லாமலே போனால் தான் என்ன?

2007-09-30T22:04:00.001+05:30

எதில்
அதிக குழப்பம்?

எப்பொழுது
தர வேண்டும்
அந்த
முதல் முத்தம்
என்பதிலா?

த‌ரும்
முதல் முத்த‌த்தை
எப்பொழுது
முடித்துக் கொள்ள வேண்டும்
என்பதிலா?

2007-09-27T14:59:00.000+05:30

சிரி சிரி என‌
சிரித்தாய்

சீக்கிரமே சிற்றரசன் ஆனேன் - நீ
சிந்திய சில்லரைகளில்

ஆஹா! ஆஹா!

அட‌
மீண்டும்
சிரி சிரி என‌
சிரித்தாய்

இந்நேர‌ம்
நானும் ஆனேன்
உன்னைப் போல்

சேக‌ரித்த‌ சில்ல‌ரைக‌ளையெல்லாம்
சிந்திய‌ப‌டி

உன்னுட‌ன்
சிரித்த‌ப‌டி

2007-09-24T11:32:00.000+05:30

ஓசையில்லா
பயணம்

ஒரு ச‌ல‌னமும் இல்லாத‌
ஓட‌ம்

அருகினில் இல்லாத‌
ராட்சஸ‌ ஐஸ் கட்டிகள்

பெய்யாத‌ ம‌ழை

வீசாத‌ புய‌ல்

அப்படியும்
சாய்ந்தே விட்டது
என் கப்பல்

சுற்றி ஊறும் ஈரத்திற்கு
ஈடுகொடுக்க முடியாமல்

நான் செய்த‌
காகித கப்பல்

உனக்காக‌
நான் எழுதி

உன்னிடம்
கொடுக்க துணிவில்லா

அந்த‌
காதல் கடிதத்தில் செய்த‌
என் காகித கப்பல்!

மூழ்கியது
என் கப்பல் மட்டும் தானா?

சுவாரஸ்யம்!

2007-09-19T21:06:00.000+05:30

வாழ்க்கையின்
ஒவ்வொரு அத்தியாயத்திலும்
ஒவ்வொரு சுவாரஸ்யம்

பால் பருவத்தில்
தொட்டில்
தாய் மடி

பள்ளிப் பருவத்தில்
வீடு
விடுமுறை

கல்லூரி பருவத்தில்
கனவுகள்
கற்பனைகள்

வேலையில் சேர்ந்த பின்
டீ ப்ரேக்
பி டி ஓ

தற்போது
நீ
உன் தோழமை

அடுத்த‌து என்ன?

உன் நினைவுகளா?
நீயா?

பறவையாக இருந்திருந்தால் !

2007-09-19T16:54:00.001+05:30

"நாம்
பறவையாக இருந்திருந்தால்
எப்படி இருந்திருக்கும்?

எத்தனை முறை
சந்தோஷமாக‌
இவ்வுலகை
சுற்றி பறந்திருக்கலாம்?"

என்றாய்.

சரி தான்!
உலகின் ஒவ்வொரு மூலையையும்
உன்னுடன் சென்று பார்த்து ரசித்திருந்தால்
எத்தனை அருமையாக இருந்திருக்கும்?

அது ஏன்
பறவையாக மட்டும்?

இப்போதே நான்
என் உலகை
அனுதினமும்
சுற்றிக் கொண்டு தானே இருக்கிறேன்!

பிடித்திருக்கிறது!

2007-09-12T00:31:00.000+05:30

பல நாள்
உன்னை நினைத்து
நான் எழுதிய‌
கவிதைகள்

இன்று கடைசியாக‌
உன் திருமணத்திற்காக‌
நான் எடுத்த‌
உன் ஜாதக ப்ரிண்ட் அவுட்

இரண்டிலுமே
ஏதோ ஒரு ஒற்றுமை

ஆம்!

அன்று
அமைதியான என் மனதில்
ஒரு ஆர்ப்பாட்டம்

இன்று
ஆர்ப்பாட்டமான என் மனதில்
ஒரு அமைதி

ஏனோ
இரண்டுமே பிடித்திருக்கிறது!

கார்குழலி!

2007-09-09T17:29:00.000+05:30

உன்
கூந்தலில் மண‌ம்
இயற்கையா?
செயற்கை?

விடை தெரியவில்லை எனக்கு
இது நாள் வரை

இனியும்
தெரிந்து கொள்ள போவதில்லை தான்

ஆம்!

ஒவ்வொரு முறையும்
தலை குளித்து
கூந்தல் விரித்தபடி
நீ வருகையில்

என் சுவாசம்
உணரும்
உன் வாசம் போதும்

ஒரே நொடியில்
சொக்கி விடுகிறேன்

இப்படி இருக்க‌
எப்படி சாத்தியம்
ஆராய்ச்சிகள்?

சரி

மண‌ம்
இயற்கையோ
செயற்கையோ

தெரிந்து கொள்வதில்
ஆசையும் இல்லை
ஆர்வமும் இல்லை

கொண்ட ஆசை என்னவோ
உன்
கார் கூந்தலில்
என்
முகத்தை
புதைத்துக்கொள்ளவே!

உற‌க்க‌ம்!

2007-09-08T15:27:00.000+05:30

தினம் இரவு
என்னை
த‌ழுவியிருந்தாள்
உற‌க்க‌ தேவ‌தை!

விர‌ட்டிவிட்டாய் அவ‌ளை!

அடுத்து என்ன?

அவளுக்கு பதில்
நீ
துணை இருப்பாயா?

எல்லை!

2007-09-08T00:50:00.000+05:30

எது சரி?
எது தவறு?

எதில் நீ?
எதில் நான்?

எப்பொழுது சலிப்பு?
எப்பொழுது சிலிர்ப்பு?

அறியவில்லை நான்

ஒவ்வொரு நாளும்
புது புது எல்லைகள் தான்

அந்த
கடலின் எல்லையும்
கரையின் எல்லையும்
அலைகள் மாற்றி அமைக்கும்
விளையாட்டுப் போல!

2007-09-08T00:34:00.000+05:30

கலங்காத‌
இதயம்

தந்தாய் பத்திரமாக‌
என்னிடம்

டீ கோப்பையில்
மட்டுமே!

2007-09-07T20:32:00.000+05:30

இப்போதெல்லாம்
நீ ஏன்
அதிகம்
எழுதுவதில்லை?

காரணம்?

ப‌ணியில் தீவிர‌மா?
பாணியில் மாற்ற‌மா?

தொடரும் தவிப்புகளா?
தோழமையில் தடுமாற்றமா?

ம்ம்...

எப்பொழுதும் போல்
இப்போதும்

கேள்விக‌ள் எல்லாம்
நன்றாக தான் கேட்கிறாய்

ஆனால்
பதில்கள்
இல்லாதவைக்கு

அல்ல‌
எனக்கு
தெரியாத‌வைக்கு

ம்ம்...
சீக்கிரமே புரிந்து விடட்டும்

இது
வான வேடிக்கை அல்ல‌
வானவில் என்றே!

2007-08-30T16:58:00.001+05:30

கேட்காத கேள்விகள்

பிடித்த‌து
என்னிட‌ம்

சொல்லாத பதில்கள்

பிடித்தது
உன்னிடம்!

2007-08-28T11:16:00.000+05:30

I don't mind being in a Fool's Paradise,
As long as I think of it as paradise and I am in it.

I don't mind being foolish either!

ராசி பலன்

2007-08-24T00:06:00.001+05:30

உன‌க்கு ச‌ந்திப்பு
என‌க்கு ஈர்ப்பு

உன‌க்கு ப‌ரிச்ச‌ய‌ம்
என‌க்கு ந‌ட்பு

உனக்கு பிரிவு
எனக்கு ஏக்க‌ம்

உனக்கு தோல்வி
எனக்கு கோப‌ம்

உனக்கு புக‌ழ்
எனக்கு நிறைவு

உனக்கு கொள்ளை
எனக்கு வெற்றி!

2007-08-23T23:47:00.000+05:30

கனவுலகில்
சஞ்சரித்திருந்தேன்
கவலைகள் ஏதும் இன்றி

களவுலகில்
என்று சஞ்சரித்தாயோ

அன்றே என்னிடம்
கவலைகள்
குறையேதும் இன்றி

2007-08-23T23:18:00.000+05:30

விவாதித்தோம்
இதிகாசங்க‌ளாய்
அன்று

உறவாடுவோம்
ஹைக்கூகளாய்
இன்று

இதிகாசங்கள் இனித்தனவே
ஹைக்கூகள் சிலிர்த்தனவே